Charter Document - 01270588

Hec est conventio facta inter dominum Willelmum de Bradestone tunc abbatem Sancti Augustini de Bristoll[] et ejusdem loci conventum ex una parte et Ricardum Ailard tunc majorem Bristoll[] et totam communam Bristoll[] ex altera parte Scilicet quod dictus abbas et conventus concesserunt pro se et successoribus suis inperpetuum majori et commune Brist[] et eorum heredibus totam terram illam in marisco Sancti Augustini Bristoll[] que jacet extra fossatum quod circuit terram arabilem dictorum canonicorum directe versus orientem usque ad marginem portus Frome Quod quidem fossatum extenditur a grangia dictorum canonicorum versus Abanam salvis abbati et conventui predictis de terra proxima predicto fossato versus grangiam predictam ubi dicta communa incipit fossare septies viginti et quatuor pedibus terre in latitudine et in medio dicti marisci quater viginti et duodecim pedibus terre in latitudine et in exteriori parte dicti marisci versus Abanam sexaginta pedibus terre in latitudine super quam terram sic mensuratam communa Bristoll[] et eorum heredes habere debent liberum iter suum introitus exitus et transitus ad naves suas et ad spaciandum pro voluntate eorum de die et nocte longe et prope pacifice et sine contradictione inperpetuum sicut semper habere consueverunt Debent autem predicta communa et eorum heredes salvare abbati et conventui predictis et successoribus suis eandem terram mensuratam Ita scilicet quod si cursus aque ipsam terram deterioraverit dicta communa illam debet emendare Residuam vero terram dicti marisci Sancti Augustini Bristoll[] versus Fromam et versus mariscum ville Bristoll[] ex orientali et australi parte predicti fossati debent predicta communa et eorum heredes integre habere et possidere ad faciendum inde trencheam portum et quicquid dicte commune melius sederit absque omni inpedimento et contradictione inperpetuum Pro hac siquidem concessione et pro bono pacis dederunt predictus major et communa Bristoll[] predicto abbati et conventui novem marcas argenti Unde ut hec concessio rata et stabilis permaneat tam sigillum predicti conventus quam commune sigillum Bristollie mutuo appensa sunt huic cirographo Hiis testibus domino Johanne filio Galfridi Thoma de Berkeley Roberto de Gornay Willelmo de Pyccot Ignatio de Clyfton Jordano le Warre de Cnolle Johanne le Warre de Bristulton[] Henrico de Whadden[] Henrico de Gaunt et aliis Facta autem conventio vigilia annunciationis Beate Marie anno regni domini regis Henrici filii regis Johannis vicesimo quarto