Charter Document - 01270523

Hec est conventio facta inter dominum Willelmum abbatem Sancti Augustini de Bristoll[] et ejusdem loci conventum ex parte una et Mariam Curtelone ex altera Videlicet quod dicta Maria mere et sponte in libera voluntate sua remisit concessit et inperpetuum quietum clamavit supradictis abbati et conventui totum jus suum et clamium quod habuit vel quocumque modo habere potuit in tota illa terra cum suis pertinenciis in vico sutorum Bristoll[] quam Johannes Curtelone quondam vir ejusdem Marie tenuit aliquando Ita quod de cetero dicta Maria vel heredes sui aut aliquis alius eorum nomine nichil juris in predicta terra aut ejus parte sibi vendicare valebunt inperpetuum Concessit insuper predicta Maria et remisit et quietum clamavit pro se et heredibus suis inperpetuum prefatis canonicis totum jus et clamium quod habuit vel quocumque titulo habere potuit aut debuit in omnibus illas terras cum earum pertinenciis quas in Winton[] jure hereditario sibi competere dicebat una cum tota illa terra cum suis pertinenciis in Abbedeston[] quam ad se pertinebat nomine dotis de terra illa quam Walterus quondam vir suus tenuit in eadem villa Ad hec prefata Maria in ligia potestate sua concessit et dedit supradictis canonicis totum mesuagium cum edificiis [] pertinenciis suis omnibus quod habuit in suburbio Bristoll[] in vico qui dicitur Leofwinesmed in liberam elemosinam inperpetuum possidendum Ita tamen quod quam diu dicta Maria et Willelmus filius suus primogenitus vixerint dictum mesuagium cum suis pertinenciis habeant et teneant de prenominatis canonicis reddendo eis singulis annis in festo Sancti Michaelis unum par cyrotecarum albarum aut unum denarium pro omnibus serviciis et demandis ad dictos canonicos pertinentibus Post decessum vero dictorum Marie et Willelmi dictum mesuagium cum omnibus suis pertinenciis absque contradictione aut diminutione aliqua memorati canonici habeant et possideant inperpetuum facientes capitali domino debitum servicium et consuetum aut que omnia et singula ad opus dictorum canonicorum evincenda et adquirenda cum eisdem canonicis aut eorum actorum dictorum tamen canonicorum sumptibus propriis et dicte Marie laboribus quandocumque et quotiens super hoc fuerit requisita dicta Maria fideliter et viriliter elaborabit Ad quos fideliter observandum sacramento corporaliter prestito adjecta fidei datione coram viris fide dignis se obligavit Pro hac autem remissione concessione et quieta clamatione supradicti abbas et conventus unanimi voluntate et assensu predicte Marie concesserunt ut quam diu vixerit singulis diebus percipiat de cellario Sancti Augustini unam michiam canonicalem et unam mesuram cervise canonicalis et de coquina unum ferculum cum una pitancia et potagium si voluerit Et sciendum est quod ferculum illud tribus diebus in ebdomada erit de carnibus si eis vesci liceat videlicet Dominica et Die Martis et Die Jovis et pitancia pro ut hospitibus solet apponi vel conventui Preterea prenominata Maria omnibus diebus vite sue singulis septimanis unam summam busce ad focum suum et singulis annis dimidiam marcam argenti in Nativitate Domini ad robam suam percipiet Data sunt hec anno regni regis Henrici filii regis Johannis tricesimo nono