Charter Document - 01270522
| Charter Number: | 01270522 |
|---|---|
| Cartulary Title: | The Cartulary of St. Augustines Abbey, Bristol |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1254 - 1255 |
| Date type: | Assigned |
| Resource Link(s): |
|
Charter:
Sciant presentes et futuri quod ego Maria de Curtelune pro salute anime mee et omnium antecessorum et successorum meorum dedi concessi et presenti carta mea confirmavi deo et ecclesie Sancti Augustini de Bristoll[] et canonicis ibidem deo servientibus in liberam puram et perpetuam elemosinam totum illud mesuagium cum omnibus suis pertinenciis quod habui in suburbio Bristoll[] in vico que dicitur Leofwynesmed[] tenend et habend sibi et successoribus suis de me et heredibus meis inperpetuum libere quiete integre et pacifice ita quod inde nulli unquam respondentes nisi capitali domino de servicio debito et consueto Ego vero et heredes mei memoratis canonicis totum illud mesuagium cum suis omnibus pertinenciis contra omnes mortales warantizabimus acquietabimus et defendemus inperpetuum Insuper concessi remisi et quietum clamavi pro me et heredibus meis supradictis canonicis totum jus et clamium quod habui jure hereditario vel alio quocumque modo habere potui in omnibus illis terris cum pertinenciis quas michi in Winton[] competere dicebam Similiter et totam illam terram cum omnibus suis pertinenciis in Albedestone quam ad me pertinere dicebam nomine dotis de terra illa quam Walterus quondam vir meus tenuit in eadem villa Et quia volo quod hec mea donatio et concessio remissio et quieta clamatio rata et stabilis inperpetuum perseveret presens scriptum sigilli mei inpressione roboravi t[estibus]
Source (click image below to view full size)
