Charter Document - 01270517
| Charter Number: | 01270517 |
|---|---|
| Cartulary Title: | The Cartulary of St. Augustines Abbey, Bristol |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1224 |
| Date type: | Internal, A.D. |
| Resource Link(s): |
|
Charter:
Sciant presentes et futuri quod ego Ricardus de Frise unanimi concensu Matildis uxoris mee et heredum meorum dedi concessi et hac presenti carta mea confirmavi Rogero alumpno Godefridi sacerdotis de Bristollo quandam terre partem mee supra montem Sancti Michaelis versus Sanctum Augustinum jacentem inter terram Willelmi filii Sewari draperii fratris scilicet nominate Matildis uxoris mee et terram dicti Rogeri quam tenet de Jordano la Warre continentem in longitudine quadraginta duos pedes et in latitudine triginta duo pedes habend et tenend de me et de heredibus meis ipsi et heredibus suis libere et quiete honorifice et pacifice Reddendo inde annuatim michi et heredibus meis ipse et heredes sui pro omni servicio et exactione ad festum Sancti Michaelis scilicet infra nundinas de Bristollo unum denarium sterelinguorum Et pro hac mea donatione et concessione dedit michi et heredibus meis dictus Rogerus octo solidos sterelinguorum Hanc autem donationem et concessionem et presentem cartam ego Ricardus et heredes mei fide media contra omnes homines et feminas warantizare debemus predicto Rogero et heredibus suis [quando] ipse et heredes sui pro omni servicio et unquam huic pacto inter nos composito causam derogantem [volent] inquirere Concedo etiam quod sepedictus Rogerus et heredes sui prenominatam terram cuicumque voluerint sine aliqua contradictione mea et heredum meorum dare vendere vel inpingnorare possint salvo tamen annuali redditu meo nominato Et ut hec mea donatio firma sit et stabilis eam presenti scripto sigilli mei munimine roboravi Facta est autem hec mea donatio anno incarnationis domini millesimo ducentisimo vicesimo quarto t[estibus]
Source (click image below to view full size)
