Charter Document - 01270227
| Charter Number: | 01270227 |
|---|---|
| Cartulary Title: | The Cartulary of St. Augustines Abbey, Bristol |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Mauricius filius Mauricii de Bevintone salutem Noverit universitas vestra quod cum ego ad plenam et legitimam etatem secundum legem et consuetudinem regni Anglie [et] stabilitatem pervenissem pro deo et salute anime mee patris mei matris mee et Rogeri fratris mei et omnium parentum meorum concessi dedi et hac presenti carta mea confirmavi deo et ecclesie Sancti Augustini de Bristoll[] et canonicis regularibus ibidem deo servientibus in liberam et perpetuam elemosinam totam terram meam de Bevintone cum omnibus suis pertinenciis quam Rogerus frater meus ante me tenuit de dona predict Mauricii de Bevintone patris mei et totam terram illam cum omnibus pertinenciis suis quam habui de dono ejusdem Mauricii patris mei tam in redditibus et serviciis quam in mesuagiis et serviciis dominicis et aliis omnimodis pertinenciis que eisdem terris pertinent vel pertinere poterunt et omnes terras et possessiones redditus et servicia que de cetero ad me vel heredes meos de terris de Bevintone jure hereditario sine aliquo quacunque modo poterunt pertinere vel pertinent et omnes terras et possessiones redditus et servicia nullo jure michi vel heredibus meis retento in omnibus supradictis tenend et habend de me et heredibus meis eisdem canonicis et eorum successoribus libere et quiete pacifice et integre inperpetuum Reddendo inde singulis annis domino Mauricio de Berkel[] et heredibus suis unum boissellum frumenti et duos denarios ad festum Sancti Michaelis pro omnibus consuetudinibus sectis serviciis et omnimodis demandis que evenire poterunt salvo regali servicio quantum ad tantam terram de tenemento de Beventone pertinebit Ego vero Mauricius et heredes mei omnes predictas terras possessiones redditus et servicia cum omnibus earum pertinenciis suis supramemoratis canonicis contra omnes mortales warantizabimus Et ut hec mea donatio et concessio perpetue stabilitatis robur obtineat presenti scripto sigillum meum apposui Datum anno domini milesimo ducentisimo quinquagesimo sexto in crastino Epiphanie Domini t[estibus]
Source (click image below to view full size)
