Charter Document - 01270173

Notum sit universis tam presentibus quam futuris quod hec est conventio facta inter dominum Willelmum abbatem Sancti Augustini de Bristoll[] et ejusdem loci conventum ex parte una anno gratie milesimo ducentesimo quinquagesimo et dominum Mauricium de Berkel[] ex altera videlicet quod dictus Mauricius pro se et heredibus suis libera et mera voluntate sua inperpetuum concessit quod dicti abbas et conventus pro una marca annui redditus in quam Petrus de Wike et heredes et assignati sui singulis annis memoratis abbati et conventui tenentur pro bosco de Eucumb[] per omnes terras catella et possessiones ipsius Petri et heredum vel assignatorum suorum ubicumque locorum in dominio dicti Mauricii fuerint inventa absque omni contradictione reclamatione et inpedimento dicti Mauricii aut heredum suorum libere valeat distringere animalia et averia sua capiendo et in curia sua apud Berkel[] custodiendo donec eisdem predicto redditu plene et integre fuerit satisfactum Si forte aliquo termino idem Petrus aut heredes vel assignati sui in solutione redditus supradicti abbatis et conventus pro ut in carta ejusdem Petri prefatis canonicis confecta continetur cessare voluerint [] Pro hac autem concessione dicto Mauricio supradicti abbas et conventus unanimi voluntate et assensu concesserunt memorato Mauricio et heredibus suis inperpetuum quod sint capitales domini dicti Petri et heredum aut assignatorum suorum quo ad prefatum boscum et habeant in gardis escaetis et omnibus aliis rebus sicut capitales domini dicti Petri et heredum aut assignatorum suorum secundum consuetudinem regni Anglie habere debent de jure vel habere consueverunt Ad majorem autem hujus [rei] securitatem presenti scripto in modum cyrographi confecto et utraque pars diviso signa partium huic inde sunt appensa t[estibus]