Charter Document - 01270159

Noverint universi presens scriptum inspecturi vel audituri quod cum contentio mota est inter dominum Thomam de Berk[] ex una parte et dominum Will[elmum] abbatem Sancti Augustini de Bristoll[] et ejusdem loci conventum ex altera coram judicibus a domino papa delegatis super decimis pannagii boscorum dicti Thom[e] super decimis piscariarum suarum et decimis molendinorum suorum item cum placitum motum esset coram justic[iis] domini regis itinerantibus apud Glouc[] inter partes predictas super manerio de Erlingham super terra de Bray super quadam terra de Loreweng[] item super duobus chiminis dictis canonicis inveniendis et aperiendis item super viginti quinque solidatis redditus et quibusdam aliis dampnis datis lis mota in utroque foro in huic modum conquievit Videlicet quod dictus Thomas et heredes sui omnes predictas decimas absque omni reclamatione vel contradictione dictis canonicis solvent inperpetuum Idem autem Thomas quinque solidatas redditus quas pecierunt dicti canonici a dicto Thom[a] apud Berk[] eisdem restituet et carta sua confirmabit viginti autem solidatas redditus quas similiter dicti canonici pecierunt dictis canonicis restituet et in loco competenti prout inter partes convenerit assignabit et carta sua confirmabit Item unam lampredam quam dicti canonici dicto Thome et heredibus suis annuatim solvere tenebantur pro terra que dicitur Aldeministr[] idem Thomas pro se et heredibus suis dictis canonicis omnino remisit et quietam clamavit inperpetuum Preterea idem Thomas pro se et heredibus suis eisdem canonicis remisit unam libram piperis quam annuatim ei solvere consueverunt pro quadam terra quam Will[elmus] Coby eisdem canonicis in puram et perpetuam elemosinam contulit in Berk[] Item regale servicium quod dicti canonici solvere consueverunt pro terra Luffing[] et pro dicta terra que fuit Willelmi Coby dictus Thom[as] pro se et heredibus suis dictis canonicis plene remisit Preterea idem Thomas pro se et heredibus suis omnem sectam hundredi de Berk[] omnem vexationem et secularem exactionem ad ipsum et heredes suos pertinentem dictis canonicis remisit inperpetuum Ipse veto et heredes sui omnes cartas a se vel a predecessoribus suis dictis canonicis confectas sic warentizabunt quod eosdem canonicos pro viribus suis in omnibus conservabunt indempnes inperpetuum Preterea dictus Thom[as] chiminum inveniet et warentizabit dictis canonicis ad terram suam de Weneswell[] que vocatur Cuthecroft[] et chiminum quod dicti canonici liberum consueverunt habere ultra campum quod dicitur Walmegarston[] eisdem aperiet et apertum tenebit infuturum Super quibus omnibus dictus Thom[as] dictis canonicis cartam suam conficiet et eosdem in plenam seisinam ponet Dicti autem canonici omni juri quod sibi competere dicebant in dicto manerio de Erlingham in terra de Bray et terra de Loreweng[] ante presentis instrumenti confectionem dicti vero canonici omnes injurias arreragia dampna data eisdem ante presentem compositionem eidem Thome plene remiserunt Ad hanc autem compositionem fideliu[m] in omnibus observandam juramento corporaliter prestito sese obligavit pars utraque renuncians appellationibus cavillationibus exceptionibus et omni juris remedio canonici et civilis et maxime prohibitioni regie Hoc adjecto quod si altera partium dictorum contra aliquem predictorum articulorum in posterum venire presumpserit pars delinquens alteri parti decem marcas argenti pro quolibet articulo non observato nomine pene persolvet Totali conventione prescripta nichilominus perdurata quod ut in posterum fideliter observetur pars utraque se subjecit jurisdictioni domini Wigorn[] qui pro tempore fuerit ut pars contra dictam conventionem veniens in aliquo articulo predictam penam parti alteri per omnimodam censuram ecclesiasticam refundere compellatur Ut autem hec compositio rata et stabilis perpetuo perseveret eam presenti scripto in modum cirographi inter partes diviso et signis partium consignato pars utraque confirmavit Facta est siquidem hec compositio anno gratie mcc tricesimo sexto mense Maii in octabas Beati Augustini Anglorum apostoli in ecclesiam Beati Petri Glouc[] Hiis testibus magistro Hub[er]to tunc officiali domini Wigorn[] domino Will[elm]o Putot[] et Radulfo de Wileton[] Rogero de Andeure rectore ecclesie de Camma domino Henrico de Berkel[] domino Will[elm]o de Berk[] Mauricio filio Mauricii de Berk[] Mauricio de Sautemareis Rog[er]o de Sokerwik[] Reginaldo de Camma et aliis