Charter Document - 01250313
| Charter Number: | 01250313 |
|---|---|
| Cartulary Title: | Documents Illustrative of the Social and Economic History of the Danelaw [Yorkshire] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1123 - 1147 |
| Date type: | Assigned |
| Resource Link(s): |
|
Charter:
A[lexander] dei gratia Lincolniensi episcopo et omnibus sancte dei ecclesie filiis presentibus et futuris G[odfridus] de Neuhus salutem Notum sit uobis omnibus me per concessum heredis mei dedisse capelle sancti Marcialis in ipsa die dedicationis sue in liberam dotem et perpetuam elemosinam Henepcroft totum et sub eodem Henepcroft inter Henepcroft et aquam v perticatas in latitudine usque in aquam et totam terram quam habui inter Sandholm et uirgultum Petri de Gosle in terra culta et prato usque in aquam et in campis Ulesbi terram quam habui in Lichtelau a semita que ducit trans idem Lichtelau uersus aquilonem Hec omnia dedi concedentibus heredibus meis Willelmo et Waltero Testibus Radulfo Luuel episcopo qui eandem capellam dedicauit magistro Malgero Bouone persona eiusdem parochii Hamone de Goussle Haldan de Kelebi Willelmo de Ulesbi presbiteris Willelmo de Kelebi Johanne de Brocclosbi Henrico filio Nigelli Hamelin de Ulesbi clericis Petro de Gossle Radulfo de Haltuna et Geruasio fratre suo Hugone Berner Ricardo fratre suo Baldwino de Biford militibus Humfrido de Neuhus et aliis pluribus et de ipsa uilla et aliunde