Charter Document - 01250301
| Charter Number: | 01250301 |
|---|---|
| Cartulary Title: | Documents Illustrative of the Social and Economic History of the Danelaw [Yorkshire] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1148 - 1160 |
| Date type: | Assigned |
| Resource Link(s): |
|
Charter:
Roberto dei gratia Lincolniensi episcopo et uniuersis sancte matris ecclesie filiis modernis et posteris Willelmus de Lamara et Beatrix mater eius salutem Notum sit uobis Adam de Kirnigtun filium Heruei dedisse et concessisse deo et ecclesie sancti Marcialis de Neuhus et fratribus ibidem seruientibus deo le toft Gunnewate cum duabus bouatis terre in Kirningtune de meo feudo quem teneo de comite de Richemund in perpetuam elemosinam libere et quiete ab omni seculari seruicio cum communi pastura eiusdem Kirningtun Sciatis etiam me dedisse et concessisse hanc eandem elemosinam prefate ecclesie et supradictis fratribus et carta mea confirmasse in perpetuam elemosinam ita libere et quiete quod hec mea donatio et concessio non sit obnoxia in aliquo regi aut uicecomiti aut ministris eius aut dominis meis aut michi met ipsi aut alucui seculari persone in mordre in daneghield aut in exercitu regis in scutagio aut aliqua consuetudine et seruicio aut auxilio necnon et omni exactione seculari ita uidelicet quod seruicia et consuetudines predicte terre de mea alia terra acquietabimus ego et heredes mei et hoc petitione eiusdem Adam pro amore dei et pro salute anime Alani patris mei et auunculi sui et omnium antecessorum nostrorum et pro remissione peccatorum nostrorum Testibus Ricardo Scrop decano Willelmo de Seuerbi presbitero Stephano presbitero de Grossebi Willelmo clerico et Thoma presbitero fratre eius et Iohanne filio Thome et Waltero cognato suo et Roberto clerico de Hulesbi et Simone clerico de Kadenai et Hamone uicario eius Nicholao dapifero Willelmi Trussebut Willelmo filio Galfridi de Neuhus Fin et Anfrido de Hulesbi Hiuone de Gausa Hacon de Crokestun Herueo de Kirningtun Gosse de Mealtun Gippe de Neuhus Petro de Gausa Garnerio de Campenia Benedicto de Barwa Ailbricd fratre Ricardi decani Roberto Surais Garino et Goce hominibus Petri de Gausa