Charter Document - 01250297
| Charter Number: | 01250297 |
|---|---|
| Cartulary Title: | Documents Illustrative of the Social and Economic History of the Danelaw [Yorkshire] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1166 - 1189 |
| Date type: | Assigned |
| Resource Link(s): |
|
Charter:
Capitulo Lincolniensi et omnibus sancte matris ecclesie filiis presentibus et futuris Walterus filius Renaldi de Kiluingeholm salutem Nouerit dilectio uestra me dedisse et concessisse et presenti carta confirmasse deo et ecclesie sancti Martialis de Neuhus et fratribus ibidem deo seruientibus in perpetuam elemosinam donationem illam quam Dauid frater meus fecit eidem ecclesie scilicet homagium Oudhen et duas bouatas terre quas ipse tenet que fuerunt Rennaldi filii Berwaldi cum mansura eidem terre adiacenti et omnibus aliis pertinentiis suis Sciatis etiam me dedisse et concessisse predictis fratribus duas bouatas terre que fuerunt Acelini unam quam dedit eis Robertus filius Berwaldi et aliam quam Lefthein tenuit cum mansura adiacenti et aliis pertinentiis suis Has itaque prescriptas quatuor bouatas terre cum omnibus pertinentiis suis dedi eis et concessi in perpetuam elemosinam liberas et quietas ab omni seruitio et consuetudine et exactione pertinenti mihi et heredibus meis excepto forinseco seruitio Preterea dedi eis et concessi pro tribus solidis quos Baldwinus de Biford dedit eis mansuram que fuit Arnwi et terram que dicitur Manesloth ad cuius supplementum dedi de meo dominio unam acram terre ex una parte uille et aliam ex altera libere et quiete ab omni seruitio scilicet de utwar et de inwar Concessi etiam eis quicquid mei iuris est in ecclesia sancti Petri de Kiluingholm sicut Dauid frater meus et Holdeard mea mater dederant et concesserant Et hoc dedi et concessi concessu et conscensu sponse mee Adelidis et Ricardi fratris mei pro salute mea et pro animabus patris et matris mee et omnium antecessorum nostrorum Concessimus etiam ego et Dauid frater meus predicte ecclesie cum Oudhen totam progeniem suam liberam Testibus domno Dauid abbate de Barlinges fratre Reimundo fratre Hernisio Symone sacerdote de Haltun Balduino de Biford Unfrido de Neuhus Ricardo fratre meo Waltero filio Oudhen Swein Gilberto filio Willelmi