Charter Document - 01250266
| Charter Number: | 01250266 |
|---|---|
| Cartulary Title: | Documents Illustrative of the Social and Economic History of the Danelaw [Yorkshire] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1183 - 1184 |
| Date type: | Assigned |
| Resource Link(s): |
|
Charter:
Waltero dei gratia Lincolniensi episcopo omnibusque sancte matris ecclesie filiis presentibus et futuris Willelmus Berner de Haburch salutem Sciatis me concessisse et presentis carte testimonio confirmasse pro amore dei et pro salute anime mee et pro anima patris mei et pro animabus omnium antecessorum et heredum meorum omnes donationes et elemosinas quas ego dedi deo et ecclesie sancti Marcialis apostoli de Nehus et fratribus ibidem deo seruientibus cum omnibus aisiamentis et libertatibus que continentur in cartis meis quas inde habent Et uolo et concedo quod omnes conuentiones que inter me et predictos fratres habite sunt secundum quod constitutum est inter nos firmiter et plenarie conseruentur Preterea remitto eis calumpniam quam habui erga eos de nord molendino suo et de dampno quod mihi accidisse querebar de renouatione et mutatione eiusdem molendini per refluxum aque uersus territorium de Haburch postquam conuenerat inter me et primum abbatem eorum Gerlonem de ueteri molendino et firmatura stagni sicut carta mea testatur Et concedo eis et presenti carta confirmo quod sine omni contradictione mei et meorum firment in futurum prefatum molendinum et stagnum eius per omnia ad suum commodum et firmiter promitto deo et sancto Marciali quod nullam eis inde mouebo calumpniam nec heredes mei aliquam eis inde molestiam facient nec impedicionem Testibus Gilone de Gousa Osberto Luuel Waltero de Kiluingholm et Johanne filio eius Willelmo Britone Willelmo Berner de Kiluinghohn Roberto Berner et Willelmo fratre suo Henrico Talun Rogero filio Gosse
Source (click image below to view full size)
