Charter Document - 01250015
| Charter Number: | 01250015 |
|---|---|
| Cartulary Title: | Documents Illustrative of the Social and Economic History of the Danelaw [Yorkshire] |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1193 |
| Date type: | Internal, A.D., Feast |
| Resource Link(s): |
|
Charter:
Cirographvm Vniuersis sancte Matris ecclesie filiis ad quos presens scriptum peruenerit J de Torentona et A de Wellebec abbates salutem in domino Nouerit uniuersitas uestra quod causa que uertebatur inter abbatem et conuentum de Grimesbi et magistrum R de Senpingham et priorem et conuentum de Bulingtona super ecclesiis de Burgo nobis a summo pontifice Celestino delegata amicabiliter in hunc modum est decisa scilicet quod abbas et conuentus de Grimesbi iuri si quod in prefatis ecclesiis habebant et omnibus instrumentis super eisdem ecclesiis obtentis publice in presentia nostra in perpetuum renunciauerunt sub fidei pollicitatione per manum ipsius abbatis promittentes super eisdem ecclesiis siue aliis possessionibus tunc temporis possessis se aduersus [conuentum de Bulingtona] eos nunquam moturos questionem Similiter magister R prior ordinis de Senpingham et prior et conuentus de Bulingtona fide interposita per manum ipsius magistri R firmiter promiserunt super aliquibus possessionibus tunc temporis possessis aduersus canonicos de Grimesbi se nunquam moturos questionem Hec autem amicabilis compositio facta fuit in maiori ecclesia apud Lincolniam anno incarnationis domini Millesimo Centesimo nonagesimo tercio in octauis apostolorum Petri et Pauli Et ut eadem compositio futuris temporibus firma perseueret eam sigillorum nostrorum appositione duximus roborandam Hiis testibus magistro R de Kima magistro W Blundo S priore de Markebi Simone de Kima Philippo de Canci Gilberto de Benigwrtha Philippo de Leghesbi
Source (click image below to view full size)
