Charter Document - 01230376
| Charter Number: | 01230376 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1244 |
| Date type: | Internal, A.D. |
| Resource Link(s): |
|
Charter:
Vniuersis presens scriptum visuris vel audituris Robertus dei gracia abbas sancti Augustini Cantuarie et eiusdem loci conuentus salutem in domino Nouerit vniuersitas vestra nos presentis scripti nostro patrocinio quantum in nobis est imperpetuum concessisse et confirmasse sacerdotibus hospitalis beate Marie in Cantuaria quod vocatur hospitale pauperum sacerdotum tres acras terre et tres virgatas quarum vna acra iacet super Rededune iuxta terram que quondam fuit Willelmi et que est versus aquilonem inter terram gardini comitis et regiam stratam quam dominus Stephanus Haringod predicto hospitali dedit et carta sua confirmauit item due acre et dimidia virgata iacent inter terram gardini que est versus southe et terram Willelmi Cokyn versus northe et dimidia acra et dimidia virgata iacent inter terram que fuit Huberti Merceri que est south et northe et terram que fuit Wimundi que est versus easte et terram Willelmi que est versus weste quam quidem terram Alexander quondam procurator dicti hospitalis de Aluredo de Stauerlyng et Simone Carpentario adquisiuit et dictis capellanis et successoribus suis dedit et carta sua confirmauit Item noueritis nos concessisse confirmasse predictis capellanis et successoribus suis liberum redditum octo solidorum quem de Amfrido de Burgate macere annuatim recipiunt scilicet de dono domini Reginaldi de Cornhill et Alexandri de Glouernia sicut in carta inde confecta plenius continetur Et vt hec nostra concessio et confirmacio imperpetuum firma sit et stabilis presens scriptum sigilli nostri munimine roboramus Actum anno Domini millesimo ducentesimo quadragesimo quarto
Source (click image below to view full size)
