Charter Document - 01230029
| Charter Number: | 01230029 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1302 - 1303 |
| Date type: | Internal, Regnal |
| Resource Link(s): |
|
Charter:
Omnibus Cristi fidelibus ad quos presens scriptum cyrographatum peruenerit Thomas permissione diuina abbas sancti Augustini Cantuarie et eiusdem loci conuentus eternam in Domino salutem Nouerit vniuersitas vestra nos dimisisse concessisse et hac presenti carta nostra cyrographata confirmasse pro nobis et successoribus nostris Waltero le Blowere de Menstre vnam aream terre nostre cum pertinenciis in Menstre continentem in longitudine tres perticatas et quatuor pedes et in latitudine triginta pedes iacentem inter tenementum Elie carnificis versus west et cimiterium beate Mildrithe versus east capitandam super regiam stratam versus suth et viam ducentem per medium cimiterii predicti versus north tenend et habend dictam aream cum pertinenciis de nobis et successoribus nostris et ecclesia nostra sancti Augustini Cantuarie predicto Waltero et heredibus suis et eius assignatis dare vendere vel cuicumque assignare voluerit libere quiete bene et in pace iure hereditario inperpetuum Reddendo inde annuatim nobis et successoribus nostris et ecclesie nostre predicte quinque solidos sterlingorum ad quatuor anni terminos persoluendos videlicet in festo sancti Michaelis quindecim denarios et in festo Natalis Domini quindecim denarios et vnum gallum et vnam gallinam et in Pascha quindecim denarios et in festo sancti Iohannis Baptiste quindecim denarios pro omnibus seruiciis Saluis nobis et successoribus nostris et ecclesie nostre predicte feoditatibus releuiis curie sectis et eschaetis cum acciderint Et predictus Walterus obligat totum tenementum suum in Menstre iacens inter terram heredum Thome atte Gate versus east et terram Iohannis Warde versus west pro se et heredibus suis in quorumcumque manus deuenerit ad predicta seruicia inperpetuum persoluenda In cuius rei testimonium anno regni regis Edwardi filii regis Henrici tricesimo primo mense Ianuarii presenti scripto cyrographato sigillum capituli nostri apposuimus sigillo et predicti Walteri signata cuius altera pars penes nos residet Hiis testibus Geruasio le Sherreue Thoma atte Weye Laurencio de Plomstede Simone Barri Iohanne Yue Iohanne Tannere Thoma Langnase Roberto Ceylot Ricardo Portour Ricardo Donnyng Thoma Danyel et multis aliis
Source (click image below to view full size)
