Charter Document - 01220008
| Charter Number: | 01220008 |
|---|---|
| Cartulary Title: | The Cartulary and Terrier of the Priory of Bilsington |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1257 |
| Date type: | Assigned |
| Resource Link(s): |
|
Charter:
Vniuersis sancte matris ecclesie filiis presens scriptum inspecturis vel audituris Iohannes Maunsel thesaurarius Eboracensis salutem in Domino sempiternam Ad vniuersitatis vestre noticiam volo peruenire intuitu Dei et pro salute anime mee et pro animabus antecessorum meorum dedisse concessisse et presenti carta mea confirmasse Deo et beate Marie et canonicis meis de Bilsingtone presentibus et futuris totam terram meam quam habui in Bilsingtone cum omnibus pertinenciis suis et cum omni iure et dominio quod ibi habui uel habere potui ex donacionibus diuersorum sicut carte quas inde habui plenius testantur Quare volo quod predicti canonici predictam terram habeant et teneant in liberam puram et perpetuam elemosinam libere et quiete in pace et honorifice in dominicis redditibus seruiciis escaetis releuiis pratis pascuis et pasturis boscis molendinis stagnis et viuariis et virgultis viis semitis et rebus omnibus que ad predictam terram pertinent uel poterunt pertinere et ita libere eam teneant sicut terra aliqua dari poterit uel teneri saluis dominorum feodi seruiciis que ad eos pleno iure debent pertinere Vt autem hec mea donacio concessio et confirmacio stabilitate perpetua perseuerent hoc scriptum sigilli mei inpressione communiui Hiis testibus magistro Willelmo de Lichesfelde magistro Iohanne Clarel domino Iohanne de Sumerikote magistro Iohanne de Eldewiuescherche dominis Thoma et Simone capellanis domino Iohanne de sancto Dyonisio domino Reginaldo de Cobbeham constabulario castri Douorie domino Waltero de Berstede Abraham de Estbregge clerico et multis aliis
Source (click image below to view full size)
