Charter Document - 01210201
| Charter Number: | 01210201 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1277 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus ad quorum noticiam presens scriptum pervenerit Willielmus miseracione Divina Sancti Andree Episcopus salutem in Domino sempiternam Quoniam ut ait Apostolus omnes astabimus ante tribunal Christi recepturi prout in corpore gessimus sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente Domino cum multiplicato fructu recolligere debeamus in celis firmam spem certamque fiduciam tenentes quoniam qui parce seminat parce et metet et qui seminat in benedictionibus de benedictionibus et metet vitam eternam Nos igitur ex dispensacione nobis credita Christi fidelibus non solum erogare triticum verbi Dei debemus verum etiam ad eterne messionis manipulos recolligendos animos eorum accendere debitores nos recognoscentes confisi de Dei misericordia et Sancte Marie Virginis ac Beatorum Apostolorum Petri et Pauli et omnium Sanctorum suffragiis omnibus vere contritis et confessis parochianis nostris et aliis quorum Dioecesani hanc nostram Indulgenciam ratam habuerint qui fabrice ecclesie Beati Johannis Baptiste de Finchale et luminari ejusdem ecclesie et loci ejusdem reparacioni aliquas elemosinas de bonis sibi a Deo collatis pie contulerint seu transmiserint sive qui devocionis vel oracionis causa eandem ecclesiam aut tumbam Beati Godrici in eadem visitaverint quadraginta dies de injuncta sibi penitencia misericorditer relaxamus In cujus rei testimonium presenti scripto sigillum nostrum apponi fecimus Data apud Dunelmum die Sancte Marie Magdalene anno Domini MCCLXX septimo
Source (click image below to view full size)
Markups
Names Markup:
Omnibus Christi fidelibus ad quorum noticiam presens scriptum pervenerit Willielmus miseracione Divina Sancti Andree Episcopus salutem in Domino sempiternam Quoniam ut ait Apostolus omnes astabimus ante tribunal Christi recepturi prout in corpore gessimus sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente Domino cum multiplicato fructu recolligere debeamus in celis firmam spem certamque fiduciam tenentes quoniam qui parce seminat parce et metet et qui seminat in benedictionibus de benedictionibus et metet vitam eternam Nos igitur ex dispensacione nobis credita Christi fidelibus non solum erogare triticum verbi Dei debemus verum etiam ad eterne messionis manipulos recolligendos animos eorum accendere debitores nos recognoscentes confisi de Dei misericordia et Sancte Marie Virginis ac Beatorum Apostolorum Petri et Pauli et omnium Sanctorum suffragiis omnibus vere contritis et confessis parochianis nostris et aliis quorum Dioecesani hanc nostram Indulgenciam ratam habuerint qui fabrice ecclesie Beati Johannis Baptiste de Finchale et luminari ejusdem ecclesie et loci ejusdem reparacioni aliquas elemosinas de bonis sibi a Deo collatis pie contulerint seu transmiserint sive qui devocionis vel oracionis causa eandem ecclesiam aut tumbam Beati Godrici in eadem visitaverint quadraginta dies de injuncta sibi penitencia misericorditer relaxamus In cujus rei testimonium presenti scripto sigillum nostrum apponi fecimus Data apud Dunelmum die Sancte Marie Magdalene anno Domini MCCLXX septimodate