Charter Document - 01210171
| Charter Number: | 01210171 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, A.D., Regnal |
| Resource Link(s): |
|
Charter:
Edmundus inclite recordacionis Henrici Regis Anglie filius ballivis et receptoribus suis universis in Northombria qui pro tempore fuerint vel aliis quicunque molendina de Emeldone tenuerint salutem Cum dederimus et concesserimus Deo et Ecclesie Beati Godrici de Finkhale et Monachis ibidem Deo servientibus in liberam puram et perpetuam elemosinam viginti solidos annui redditus ad sustentacionem luminaris ecclesie antedicte habendos et percipiendos singulis annis in festo Beati Andree Apostoli de exitibus molendinorum nostrorum de Emeldone per manus vestras prout in scripto nostro inde confecto plenius continetur vobis mandamus quatinus dictos viginti solidos de predictis exitibus predicto termino liberetis eisdem Quam pecunie summam vobis in vestris compotis annis singulis allocare pr[] presentes Et ut sola presencium inspectio vobis sufficiat pro warento eas fieri fecimus patentes penes Priorem et Monachos Domus predicte perpetuo remansuras Date apud Finkhale quinto die Decembris anno Domini MCCLXXX quinto anno quoque regni Regis Edwardi domini et fratris nostro karissimi quarto decimo