Charter Document - 01210170
| Charter Number: | 01210170 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, A.D., Calendar, Regnal |
| Resource Link(s): |
Reference Document for this Embedded Document |
Charter:
Universis Sancte matris ecclesie filiis presens scriptum visuris vel audituris Edmundus inclite recordacionis Henrici Regis Anglie filius salutem in Domino Sciatis quod pro salute anime nostre et Blanche Dei gratia Regine Navarre karissime consortis nostre et animarum antecessorum et successorum nostrorum dedimus et concessimus pro nobis et heredibus nostris Deo et Ecclesie beati Godrici Prioratus de Fynkhale et Monachis ibi Deo servientibus in liberam puram et perpetuam elemosinam viginti solidos annui redditus ad sustentacionem luminaris ecclesie antedicte habendos et percipiendos annuatim in festo beati Andree Apostoli de exitibus molendinorum nostrorum de Emeldone in Northumbria per manus ballivorum nostrorum qui pro tempore fuerint ibidem vel aliorum quorumcunque eadem molendina tenencium Nos vero Edmundus et heredes seu assignati nostri predictis ecclesie et monachis predictum redditum viginti solidorum warantizabimus acquietabimus et defendemus contra omnes homines et feminas inperpetuum In cujus rei testimonium sigillum nostrum apponi fecimus huic scripto Testibus dominis Willielmo Bagot Ricardo de Crawcestre Roberto de Hilton Galfrido de Langele Willielmo de Engath militibus Willielmo de Percy Johanne Russel et Waltero de Radyng clericis Waltero de Roberi Gilberto de Qwytthull Roberto de Emertone et aliis Data apud Fynkhale quarto die Decembris anno gratie MCC octogesimo quinto anno quoque regni regis Edwardi domini et fratris nostri karissimi quarto decimo