Charter Document - 01210160

Robertus permissione Divina Episcopus Dunelm dilectis filiis Priori et monachis de Fynchall nostre dioeceseos salutem gratiam et benedictionem Licet officii nostri debitum suasu pietatis exposcat ut necessitatem pacientibus succurrere debeamus et alienam inopiam paterno affectu propriam reputare illorum precipue calamitati et inopie credimus succurrendum qui relictis hujus seculi rebus spretaque voluntate propria se et sua Deo et ejus obsequio totaliter dedicantes ob divine contemplacionis suavitatem se ad sanctum religionis ortum toto cordis desiderio converterunt Cum igitur ad vite necessaria vobis et Domus vestre non suppetant facultates et nichilominus propter hospites et pauperes ad dictam Domum multociens confluentes quibus humanitatis subsidia exhibentur vos subire onera oporteat expensarum quod experti fuimus dum in minori esse mus officio et fide perpendimus oculata nos ad relevandam vestre paupertatis sarcinam et hujusmodi onera supportanda volentes vobis paterna solicitudine subvenire ecclesiam beati Michaelis de Midilham Dunelmensis Dioeceseos vacantem per resignacionem Petri de Montecuto quondam rectorem ejusdem in qua religiosi viri Prior et Conventus Monasterii Dunelmensis jus optinent patronatus vobis et dicte Domui vestre de Fynchall inperpetuum vestris et successorum vestrorum usibus cum omnibus suis juribus et pertinenciis in augmentum quin que monachorum de expresso consensu et unanimi voluntate dictorum Prioris et tocius Conventus Dunelmensis auctoritate Pontificali et Divine pietatis intuitu deputamus ipsamque vobis in proprios usus pro ampliando Divini nominis cultu et operibus pietatis habundancius exercendis concedimus et donamus de gratia speciali Ita quod in dicta Domo de Fynchall de cetero sint quindecim monachi Deo et ecclesie predicte perpetuis temporibus servientes et ritum et consuetudinem et regulares observancias Monasterii Dunelmensis cujus Cella et Filia dicta Domus de Fynchall esse dinoscitur prefati monachi de Fynchall teneant et observent Ceterum quia porcio Vicario assignata in dicta ecclesia adeo est tenuis et exilis quod ad onera incumbencia vicaria non sufficit supportanda nos de dictorum Prioris et Conventus expresso consensu et voluntate unanimi ordinavimus et de voluntate et consensu omnium quorum interest auctoritate ordinaria diffini mus quod Vicarius qui nunc ministrat in ecclesia predicta et omnes singuli sui successores qui in ea futuris temporibus ministrabunt habeant et percipiant singulis annis in augmentum dicte Vicarie quinque marcas de decimis garbarum ville de Garmondesway quas Rector ecclesie supradicte ante istam nostram concessionem et ordinacionem percepit seu percipere consuevit Vicarius vero qui pro tempore fuerit pensionem [xl] debitam Sacriste Dunelmensi singulis annis persolvet et omnia onera ordinaria Archidiaconalia et Episcopalia sustinebit Nolumus autem quod porcio Vicarii qui pro tempore fuerit quam hactenus percepit vel percipere consuevit racione presentis augmentacionis nostre in aliquo minuatur Prior et Conventus Dunelm ad dictam Vicariam quociens ipsam vacare contigerit personam ydoneum nobis et successoribus nostris presentabunt per nos et successores nostros canonice instituendum In cujus rei testimonium presentes literas sigillo nostro et sigillo Capituli ecclesie Dunelm fecimus communiri Auctoritate et potestate et dignitate ecclesie Dunelm et nostra et successorum nostrorum in omnibus et per omnia semper salvis Data apud Derlington iij nonis Octobris Anno Domini Millesimo CCLXX octavo Pontificatus nostri quarto