Charter Document - 01210143
| Charter Number: | 01210143 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1156 - 1162 |
| Date type: | Assigned |
| Resource Link(s): |
Durham Cathedral Archive - Register I (fi27r) |
Charter:
Omnibus hoc scriptum videntibus vel audientibus Thomas Prior et Conventus Dunelm salutem in Domino Noverit universitas vestra nos de consensu et voluntate et ad instantiam Prioris et Monachorum de Fynchall quietum clamasse tam pro nobis quam pro dictis Priore et monachis de Fynchall Domino Priori et Conventui de Giseburn totum jus quod habuimus in una bovata terre in villa de Edene cum tofto et crofto et pertinentiis suis quam dicti Prior et monachi de Fynchall habuerunt de dono Roberti de Monasteriis et dictos Priorem et Conventum de Giseburn in corporalem possessionem misisse et cartas quas dicti Prior et monachi de Fynchall inde habuerunt eis reddidisse Ita quod de cetero nullum jus aut clamium in dicta bovata terre et dictis toftis vel suis pertinentiis exigere poterimus in perpetuum In cujus rei testimonium presenti scripto sigillum nostrum est appensum Teste capitulo nostro