Charter Document - 01210134

Charter Document - 01210134


Charter Number: 01210134
Cartulary Title: The Charters of Endowment, Inventories, and Account Rolls of the Priory of Finchale [Durham]
Charter Language: Latin
Charter Origin: Religious
Charter Type(s): Agreement
Date: 1243
Date type: Internal, A.D.
Resource Link(s): Durham Cathedral Archive - Cartulary IV (f108r)
Durham Cathedral Archive - Cartularium Vetus (f68r)

Charter:

Anno Graciae millesimo ducentesimo quadragesimo tercio convenit inter Priorem et Monachos de Finchal ex una parte et Magistrum et Fratres de Kyppeyar ex altera utilitatibus utriusque Domus per earum custodes diligenter et provide consideratis videlicet quod dicti Prior et Monachi de Finchall de consensu et voluntate Prioris et Conventus Dunelmensis concesserunt dimiserunt et quietum clamaverunt Domui de Kyppeyar in perpetuum dimidiam carucatam terrae cum pertinenciis in villa de Aymundeston quam habuerunt de Johanne de Rudis et pro hac concessione dimissione et quieta clamacione concesserunt dimiserunt et quietum clamaverunt Magister et fratres Hospitalis de Kyppeyar Priori et Monachis de Finchall in perpetuum totam terram quae dicitur Sanctae Mariae Leya cum omnibus suis pertinenciis sine aliquo retinemento quae fuit quondam fratris Roberti Manche cum edificiis et bosco et omnibus aliis dictae terrae pertinenciis ita scilicet quod illa pars quae dictum escambium non warantizaverit solvet alteri parti nomine poenae quinque marcas argenti quam cito cessaverit warentezacio et fiet sine dilacione mutua restitucio predictarum terrarum Domibus predictis videlicet dictae terrae de Aymundeston sine aliquo retinemento Domui de Finchall et dictae terrae Sanctae Mariae Leya cum pertinenciis predictae Domui de Kyppeyar ad cujus pecuniae solucionem et dictarum terrarum restitucionem si poena fuerit commissa prout premissum est fideliter et sine dolo faciendam partes ad invicem fide media se obligaverunt subjicientes se jurisdictioni Archidiaconi Dunelmensis qui pro tempore fuerit renunciando omni fori privilego et omni juris remedio tam canonici quam civilis et etiam Regiae et Episcopali prohibicioni ut omni contradictione cavillacione et appellacione remotis possit partem illam quae predictum escambium non warantizaverit per censuram ecclesiasticam compellere ad predictam poenam quinque marcarum solvendam et ad dictarum terrarum mutuam restitutionem partibus sine dilacione faciendam Et in hujus rei testimonium parti hujus scripti cirographati residenti penes Priorem et Monachos de Finchall appositum est commune sigillum Magistri et Fratrum de Kyppeyar unacum sigillo Archidiaconi Dunelmensis et parti residenti penes Magistrum et Fratres de Kyppeyar appositum est sigillum Capituli Dunelmensis unacum sigillo ejusdem Archidiaconi Testibus mutuis sigillis scilicet Capituli Dunelmensis et predictorum Fratrum de Kippeyar

Source (click image below to view full size)