Charter Document - 01210121
| Charter Number: | 01210121 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1188 - 1212 |
| Date type: | Assigned |
| Resource Link(s): |
|
Charter:
Matheus de Lumleya omnibus videntibus vel audientibus hiis litteras salutem Sciatis me concessisse et hac mea carta confirmasse Deo et Sancto Cuthberto et Sancto Godrico in puram et perpetuam elemosinam duas acras terre in villa de Lumeleya quas pater meus predictis Sancto Cuthberto et Sancto Godrico dedit et concessit Concedo etiam predictis Sanctis et hac mea carta confirmo de propria donatione mea in augmentum ad predictas duas acras terre unum toftum et croftum de dimidia acra terre in predicta villa de Lumleya in puram et perpetuam elemosinam pro salute anime mee et omnium parentum meorum Et volo quod predicte due acre terre cum predicto tofto et crofto remaneant predictis Sanctis in perpetuum cum omnibus pertinentiis suis in viis in semitis et exitibus in bosco et plano in pratis et pascuis in aquis et moris et molendinis et in omnibus aliis adeo libere et quiete sicut aliqua elemosina liberius habetur et possidetur Hiis testibus Bertranno Priore Waleranno de Cestria Radulfo filio suo Rogero de Kibbeswurhya Galfrido filio Ricardi Rogero de Eplingden Osberto de Laton et multis aliis