Charter Document - 01210113
| Charter Number: | 01210113 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 - 1244 |
| Date type: | Assigned |
| Resource Link(s): |
Durham Cathedral Archive - Cartulary IV (f108v) Durham Cathedral Archive - Register I (fi26v) |
Charter:
Omnibus Christi fidelibus ad quos presens scriptum pervenerit Th Prior et Conventus Dunelmensis Ecclesie salutem in Domino Ad universitatis vestre noticiam volumus devenire nos concessisse et presenti carta nostra confirmasse Waltero de Audre et heredibus suis quod ponemus duos monachos in Domo de Finchal ad ampliandum cultum Dei specialiter pro eo et pro Constancia uxore sua et pro omnibus Christi fidelibus Ita quod si aliquando ibi sit Conventus sint duo de numero eorum ad perficiendum numerum Conventus et si pauciores ibi fuerint qualiscunque fuerit numerus citra numerum Conventus semper duo pro eo et pro suis de incremento eis addantur Ad quorum perpetuam sustentacionem dictus Walterus dedit Domui de Finchal ubi sepulturam suam elegit et Constancie uxoris sue totum molendinum suum de Cokeshow sine aliquo retine mento cum omnibus pertinentiis suis in perpetuam elemosinam et unum toftum quod jacet inter toftum Agnetis quondam uxoris Radulfi de Cokeshow et toftum Petri de Morton et octo bovatas terre in villa de Cokeshow illas scilicet quas Jordanus Tilloil quondam tenuit cum omnibus pertinentiis suis et libertatibus sicut in carta dicti Walteri quam Prior et Monachi de Finchal inde habent plenius continetur Concessimus etiam eidem Waltero quod centum pauperes pascantur pro eo annuatim in perpetuum in Domo de Finchal in die anniversarii ejusdem per manum Prioris de Finchal qui pro tempore fuerit Et ut hec nostra concessio stabilis permaneat presens scriptum sigilli nostri apposicione roboravimus Teste Capitulo nostro