Charter Document - 01210103
| Charter Number: | 01210103 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 - 1244 |
| Date type: | Assigned |
| Resource Link(s): |
Durham Cathedral Archive - Register I (fi26v) |
Charter:
Omnibus Christi fidelibus ad quos presens scriptum pervenerit Th Prior et Conventus Dunelmensis Ecclesie salutem in Domino Ad universitatis vestre noticiam volumus devenire nos concessisse et presenti carta nostra confirmasse Waltero de Audrei et heredibus suis quod ponemus unum monachum in Domo de Finchall ad ampliandum cultum Dei specialiter pro eo et pro suis in perpetuum Ita quod si aliquando sit Conventus sit unus de numero eorum ad perficiendum numerum Conventus et si pauciores ibi fuerint qualiscunque fuerit numerus citra numerum Conventus semper unus pro eo et pro suis de incremento eis addatur Ad cujus perpetuam sustentacionem dictus Walterus dedit Domui de Finchal ubi sepulturam suam elegit et Constancie uxoris sue molendinum suum de Cokishow cum omnibus pertinenciis suis in perpetuam elemosinam sicut in carta dicti Walteri quam Prior et Monachi de Finchal inde habent plenius continetur Et ut hec nostra concessio stabilis permaneat presens scriptum sigilli nostri apposicione roboravimus Teste capitulo nostro