Charter Document - 01210098
| Charter Number: | 01210098 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1228 - 1242 |
| Date type: | Assigned |
| Resource Link(s): |
Durham Cathedral Archive - Cartulary IV (f106v) |
Charter:
Omnibus Christi fidelibus ad quos presens scriptum pervenerit Petronilla de Cokyn quondam uxor Reginaldi Pynchard salutem in Domino Noverit universitas vestra me in plena potestate mea et libera viduitate mea constitutam dedisse et concessisse et presenti carta mea confirmasse Deo et Beate Marie et Beato Cuthberto et Beato Goderico et Priori et monachis de Fynchal Deo servientibus et in perpetuum servituris pro salute anime mee et patris mei et matris mee et ominum parentum meorum totam terram et boscum et domum meam cum gardino et curtilagio et omnibus mesuagiis meis et cum piscariis meis de Wer que habui in villa de Cokyn tam in dominico quam in servicio cum homagiis releviis vardis escetis et omnibus libertatibus et aisiamentis ad me et heredes meos ratione predicte terre pertinentibus sine aliquo retine mento in liberam puram et perpetuam elemosinam Habenda et tenenda dictis Priori et monachis imperpetuum libere quiete integre pacifice et honorifice in bosco et plano in pratis pascuis et pasturis in aquis et piscariis in omnibus libertatibus et aisiamentis ad dictam terram pertinentibus infra villam de Cokyn et extra et ubique Preterea noveritis me dedisse et concessisse et quietum clamasse et presenti carta mea confirmasse pro me et heredibus meis et assignatis meis eisdem Priori et monachis in liberam puram et perpetuam elemosinam quendam annuum redditum unius marca argenti et quatuordecim rasoriorum frumenti quem aliquo tempore vivente Reginaldo Pynchard marito meo de dictis Priore et Monachis solebam recipere Quare volo quod dicti Prior et Monachi habeant et teneant et in perpetuum possideant dictum redditum ita libere et quiete et pacifice et honorifice sicuti aliqua elemosina in Episcopatu Dunelmensi liberius quietius et honorabilius tenetur vel possidetur Ego vero Petronilla et heredes mei vel assignati mei predictam terram cum pertinentiis et dictum redditum sicuti prenominatum est dictis Priori et Monachis contra omnes homines et feminas warantizabimus acquietabimus et defendemus Ego eciam Petronilla pro me et heredibus meis vel assignatis meis totum jus et clamium quod habui vel quoquo modo habere potero dictis Priori et monachis resignavi et in perpetuum quietum clamavi omnibus et singulis cartis meis et scriptis meis dictorum terre cum pertinentiis et redditus dictis Priori et monachis traditis in perpetuum renunciatis et renunciandis Et sciendum quod si aliquod scriptum de novo emergens inveniatur quod michi vel heredibus meis vel assignatis meis prodesse poterit et dictis Priori et monachis in aliquo nocere viribus evacuetur et omnino adnihiletur In cujus rei testimonium sigillum meum duxi presenti scripto apponendum Hiis testibus domino Rogero de Hepplinden Roberto de Hesseuel Waltero de Ludwrth Henrico de Lumeley Roberto coco de Cokyn Alexandro filio Stephani de Cokyn Alano fratre ejusdem Johanne de Oxnal Galfrido de Norhamton Stephano de Hoton Willielmo Daudri Roberti Leuyn clerico et multis aliis