Charter Document - 01210070
| Charter Number: | 01210070 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1205 - 1211 |
| Date type: | Assigned |
| Resource Link(s): |
|
Charter:
Hec est composicio facta inter Johannem priorem de Finchall et Laur[encium] personam de Gykeleswic in presencia domini Henrici de Puteaco patroni ipsius prioris scilicet Quod predictus Laur[encius] assignauit predicto priori de Finchall omnes obuenciones et decimas de Setel magnas et minutas exceptis oblacionibus et exequiis mortuorum et omnes decimas uillate de Rothemel exceptis decimis lactis et oblacionibus et exequiis mortuorum pro solucione pensionis ecclesie de Gikeleswic vnde prius reddidit viginti marcas eidem priori in uita Ade de Thornhouer qui percipit duodecim marcas in eadem ecclesia Et cum predictus Adam in fata decessisse uel habitum mutasse contigerit idem Laur[encius] soluet predicto priori de Finchall xx marcas annuas nomine pensionis de ecclesia de Gykeleswic vel adcrescet super easdem decimas prenominatas usque ad xx marcas et erit in electione predicti prioris capiendi xx m[arcas] vel incrementum super easdem decimas ad ualenciam xx marcarum Hanc composicionem affidauit predictus Laur[encius] tenendam in manu Henrici de Puteaco sine fraude et dolo quod si quandoque a solucione cessauerit uel contra factum istud uenerit renuncians omni priuiligio apellacione remota judicio stabit decani et capituli Ebor[acensis] et dabit decem marcas nomine pene predicto priori Hiis testibus domino S decano Ebor[acensi] priore de Bridlington H thesaurario Ebor[acensi] Henrico de Puteaco Ada de Nouo Mercheto Hugone de Feritate Henrico de Nouo Mercheto Rogero de Euerley Radulfo Haranc Radulfo filio Ricardi Roberto de Craue et aliis