Charter Document - 01210053
| Charter Number: | 01210053 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1212 |
| Date type: | Internal, Calendar, Regnal |
| Resource Link(s): |
|
Charter:
Johannes Dei gratia Rex Anglie Dominus Hibernie Dux Normannie et Aquitanie Comes Andegavie Archiepiscopis Episcopis Abbatibus Comitibus Baronibus Justiciariis Vice comitibus prepositis et omnibus baillivis et fidelibus suis salutem Sciatis nos concessisse et hac carta nostra confirmasse Priori [] Dunolmensi et Monachis in Finchale Deo servientibus Prioratum de Finchal cum pertinentiis suis et villam de Yukflet cum pertinentiis suis duas bovatas terre cum pertinentiis suis in Dicton quas Henricus de Puteaco eis dedit et cartis suis confirmavit Quare volumus et firmiter precipimus quod predicti Prior et monachi habeant et teneant predictum Prioratum et villam de Yukeflet et duas bovatas terre in Dicton cum omnibus pertinentiis suis in liberam puram et perpetuam elemosinam bene et in pace libere quiete et integre cum omnibus libertatibus et liberis consuetudinibus ad ea pertinentibus sicut carte quas habent de predicto Prioratu de Finchal et carte predicti Henrici quas habent de villa de Yukeflet et de duabus bovatis terre in Dicton cum pertinentiis suis racionabiliter testantur Testibus Domino P Wintoniensi Episcopo W Comite Warenn Willielmo Briwere Guarino filio Geroldi Petro de Brus Ricardo de Vnfranvill Rogero de Merlay Philippo de Ulcot Data per manum magistri Ricardi de Marisco archidiaconi Northumbrie apud Dunolmum [quinto] die Septembris anno Regni nostri quarto decimo