Charter Document - 01210050

Charter Document - 01210050


Charter Number: 01210050
Cartulary Title: The Charters of Endowment, Inventories, and Account Rolls of the Priory of Finchale [Durham]
Charter Language: Latin
Charter Origin: Royal
Charter Type(s): Decree
Date: 1191
Date type: Internal, Calendar, Regnal
Resource Link(s):

Charter:

Ricardus Dei gratia Rex Anglie Dux Normannie Aquitanie Comes Andegavie Archiepiscopis Episcopis Abbatibus Comitibus Justiciariis et omnibus ballivis et fidelibus suis tocius Anglie salutem Sciatis nos concessisse et presenti carta nostra confirmasse racionabilem donacionem quam H Dunelmensis Episcopus fecit Henrico de Puteaco pro homagio et servicio suo scilicet villam de Jokeflet cum omnibus ad eam pertinentibus quam Adam de Warum prius eidem Henrico pro c marcis invadiavit et quam ipse Episcopus H postea de heredibus ipsius Ade de propria pecunia sua omnino emit Habendam et tenendam sibi et heredibus suis de prefato Episcopo et successoribus suis cum additamento mareschi et vasti ipsius Episcopi quod ante hominibus ejusdem ville dederat libere et quiete et honorifice reddendo inde predicto Episcopo et successoribus suis singulis annis pro omni alio servicio et consuetudine quatuor marcas ad tres terminos in Houendsira constitutos quas predicta villa prius reddere solebat Quare volumus et firmiter precipimus quod predictus H et heredes sui habeant predictam villam cum omnibus ad eam pertinentibus et teneant libere et quiete et honorifice ut predictum est per predictum servitium infra villam et extra in bosco et plano in pratis et pascuis in viis et semitis in terris cultis et incultis in aquis et stagnis et molendinis in moris et mariscis et in omnibus aliis locis et libertatibus sicut aliquis aliquam terram in Houendsir melius et liberius de predicto Episcopo tenet sicut carta predicti Episcopi quam inde habet racionabiliter testatur His testibus Roberto de Sablell Rogone de Saceio Bertramo de Verdun Gisleberto Pipart Johanne de Pratell Rogero de Pratell dapifero nostro Rag filio Herberti Garin filio Gerould Radulpho filio Godefr camerario nostro et pluribus aliis Data per manum magistri Rogeri Mali Catuli vice cancellarii nostri apud Messanum vj die Aprilis Regni nostri anno secundo