Charter Document - 01210024

Universis Christi fidelibus presentes litteras inspecturis Ricardus permissione Divina Dunelmensis Episcopus salutem Noverit universitas vestra nos ob grandem affeccionem et sinceram devocionem quas ad gloriosos et mirabilis vite confessores Beatum Cuthbertum Patronum nostrum et Sanctum Godricum gerimus et habemus dedisse concessisse et hac presenti carta nostra confirmasse dilectis in Christo filiis Priori et Conventui ecclesie Dunelmensis nec non Priori de Fynkhall et monachis ibidem Deo et Sancto Godrico servientibus et imperpetuum servituris ad incre[] Domus de Fynkhale et commodiorem sustentacionem monachorum ibidem commorancium totum vastum et moram que incipit a porta occidentali Prioratus de Fynkhall et extendit se a dextris vire que ducit versus Dunolm usque ad pontem qui dicitur Rysebrigge qui est super syketum qui vocatur Udeneburn et deinde descendit per clausuram terre quondam Willielmi de Falderley usque in fluvium de Were et sic per fluvium de Were redeundo usque ad portam predictam Habendum et tenendum dictis Priori et monachis et eorum successoribus totum predictum vastum et moram cum libero introitu et exitu ad eandem de nobis et successoribus nostris imperpetuum libere quiete bene et in pace in liberam puram et perpetuam elemosinam cum omnibus commoditatibus et aisiamentis que in dicto vasto fieri poterunt vel de eodem qualitercunque provenire Hiis testibus dominis Roberto de Hillton Ricardo Marmeduk Waltero de Wessington Thoma de Whyteworth militibus Jordano de Dalden Willielmo de Kyrkenny Thoma de Fyssheburn Rogero de Esshe et multis aliis Data apud Aukeland xx die Novembris anno []xj Et pontificatus nostri primo