Charter Document - 01210021
| Charter Number: | 01210021 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1196 |
| Date type: | Assigned |
| Resource Link(s): |
Durham Cathedral Archive - Cartularium Vetus (f73r) |
Charter:
Henricus de Putiaco omnibus sancte matris ecclesie filiis ad quos littere presentes pervenerint salutem Sciat universitas vestra me pro amore Dei et beate Marie et gloriosi confessoris Cuthberti pro anima patris mei et matris mee et pro salute anime mee et uxoris mee et heredum et successorum nostrorum dedisse concessisse et presenti carta confirmasse Deo et Beate Marie et Sancto Cuthberto et Monachis Dunelmensibus Monasterium de Finkhale cum omnibus pertinentiis suis et cum omnibus aliis redditibus terris et possessionibus quas propriis nominibus exprimere duxi Scilicet Windegate cum pertinentiis suis villam de Hessewelle que fuit Gaufridi cum pertinentiis suis terram quam michi dedit Willielmus de Nelestune infra burgum et extra de Herterpol domum quam michi dederunt in Novo Castello Willielmus filius Willielmi monetarii et Gerardus prepositus et terram que fuit Ade clerici fratris Willielmi capellani de Wulsingham villam de Aldingrig cum pertinentiis suis et cum servitio del Brom et de Rilli et sexties viginti acras quas dominus meus Hugo quondam Dunelmensis Episcopus michi dedit de vasto suo de Bakestanesford Quare volo ut predictum Monasterium de Finkhale quod perpetuis temporibus Conventuali esse statui et Monachi Dunelmenses ibidem Deo et beate Marie servientes habeant teneant et in perpetuum possideant omnes prescriptas terras redditus et possessiones ad sustentacionem ipsorum et susceptionem hospitum et Christi pauperum assignatas libere et quiete pacifice integre et honorifice ab omni seculari servicio consuetudine et exaccione et ab omnibus aliis rebus in terris et aquis in pratis et pasturis in stagnis et molendinis in piscariis in viis et semitis in introitibus et exitibus in moris et mariscis in bosco et plano cum omnibus libertatibus aisiamentis et rectitudinibus que ad easdem terras pertinent Hiis testibus Burchardo archidiacono Simone camerario Richardo Briwerre magistro Richardo de Coldingham Hugone de Feritate Radulfo Harang magistro Angerio magistro Richardo de Kadenaie magistro Roberto de Edinton magistro Waltero de Hadinton magistro Nicolao medico Reginaldo Ganaunt vicecomite Bernardo Roill Jordano Escoudland Alano de Wiltun Willielmo filio Thome Picoto de Perci Richardo de Everleya Ada de Novo Marcheto et Henrico fratre ejus Alano Mal[] Boesvill Johanne de Ketton Richardo le Flamaung Hugone Havet Alano de Feria Rogero de Feria Roberto de Houeden et aliis
Source (click image below to view full size)
