Charter Document - 01210011
| Charter Number: | 01210011 |
|---|---|
| Cartulary Title: | The Charters of Endowment, Inventories, and Account Rolls of the Priory of Finchale [Durham] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1196 - 1225 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Bertramus de Heppedun salutem in Domino Notum sit universitati vestre me pro salute anime mee et pro animabus patris et matris mee et omnium parentum meorum dedisse et concessisse et hac presenti carta mea confirmasse Deo et Sancte Marie de Novo Loco super Brun et Canonicis qui ibidem Deo serviunt tredecim acras terre infra campum de Hees scilicet quinque acras et dimidiam quas habui in dominio apud Hareskahe reliquas acras septem et dimidiam quas homines mei Willielmus Filding et Rogerus filius Milde et Paganus et Willielmus frater Gameli et Rogerus Piccave juxta predictum dominium meum et vicinius tenuerunt in liberam puram et perpetuam elemosinam ad quandam vacariam et ovile faciendum Et ne iis in posterum aliquid de numero animalium fiat prejudicium vel nocumentum concedo eis habere quotquot voluerint sine magno dampno vicinorum suorum Et eadem devotione concessi eis totam partem meam terre de Ulveskahe et quicquid de bosco adquirere potuerint liberum illud habeant et quietum sine omni calumpnia et reclamacione de me et heredibus meis Hanc prefatam elemosinam predictis canonicis dedi et propria devotione et parentum meorum et amicorum consilio et ammonitione ut eam habeant et teneant de me et heredibus meis libere et ab omni humano servitio quiete in bosco in plano in viis et semitis in aquis et molendinis in pascuis et piscariis et in omnibus aliis aisiamentis que ad villam de Hees pertinent Hiis testibus Daniele de Hees Waltero de Aldingrig Willielmo de Bosavilla Willielmo capellano Ernaldo capellano Henrico clerico Vctredo Waltero Punkardun Ernaldo de Brenspad Radulfo de Mans Johanne clerico Waltero fratre Bertram Willielmo Prentut de Heppedun Adam Rogero Radulfo Roberto Ricardo Keuerel Ricardo Longo et multis aliis