Charter Document - 01190106
| Charter Number: | 01190106 |
|---|---|
| Cartulary Title: | Charters of the Earldom of Hereford, 1095-1201 |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1188 - 1189 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Margareta de Boun salutem Sciatis me precepto et assensu domini mei regis H[enrici] secundi et pro salute ejusdem domini mei regis et pro salute mea et Henrici de Boun nepotis mei et heredum meorum et pro animabus patris mei et matris mee et Humfridi domini mei et Humfridi filii mei et fratrum meorum et omnium parentum meorum defunctorum concessisse dedisse et presenti carta mea confirmasse Deo et ecclesie sancte Marie et sancti Johannis Baptiste de Lanth et canonicis ibidem Deo servientibus in puram et perpetuam elemosinam totam terram meam de Cernay quam habui in manu mea anno et die quo dominus meus rex predictus crucem pro honore Salvatoris nostri et subventione terre Jerosolomitane suscepit in escambium ville que dicitur Quedeley quam eis prius dederam ut acquieturum et a periculo inferni liberarem animam matris mee et animas fratrum meorum de centum solidatis terre quas ipsi pro matre mea promiserunt et affidaverunt dare prefatis canonicis in Cerney quando eam in habitum religionis susceperunt et de centum solidatis terre quas Rogerus comes frater meus pro se ipso eis promisit in eadem Cerney et de centum solidatis terre quas Walterus de Hereford frater meus divisit eis in Barndesl vel in Hersefeld sicut ego ipsa ex ejus carta audivi et intellexi de quibus omnibus nunquam prefatis canonicis aliquid reddiderunt Hanc vero terram sepedictis canonicis concessi dedi et confirmavi ita integram liberam et quietam ab omni servitio terreno et exactione cum socha et sacha et tol et tern et infongenethef infra burgum et extra et cum omnibus libertatibus et liberis consuetudinibus ad eam pertinentibus sicut eam unquam liberius et melius tenuerunt predecessores mei tempore Henrici regis primi videlicet Walterus constabularius avus meus et Mylo comes pater meus Ut autem hec concessio [et donatio mea perpetuam habere possint firmitatem presentis scripti attestatione et sigilli mei appositione eas confirmavi Hiis] t[estibus] domino Baldwino Cantuar archiepiscopo [Willelmo Wigorn episcopo Rannull de Glanvill Henrico de Buun Waltero de Essel Radulfo de Verdun Hugone Parvo Milone fratre ejus Rogero filio Alani Alexandro pincerna Bertram de Mara Helia Coker Johanne filio Walteri filii Roberti Waltero de Bram Humfrido capellano Mauritio de Sancto Vigore Waltero de Vernun]
Source (click image below to view full size)
