Charter Document - 01190094
| Charter Number: | 01190094 |
|---|---|
| Cartulary Title: | Charters of the Earldom of Hereford, 1095-1201 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1165 - 1179 |
| Date type: | Assigned |
| Resource Link(s): |
|
Charter:
Margareta de Boun omnibus fidelibus ad quos presens carta pervenerit salutem Sciant et presentes et futuri quod ego pro salute domini mei Henrici regis et mea et Humfridi filii mei et Matill filii mee omniumque filiorum filiarumque suarum et pro salute animarum patris mei et matris mee et Humfridi de Bounz domini mei omniumque filiorum filiarum fratrum sororum parentum antecessorum heredumque nostrorum dedi Deo et ecclesie sancte Dei genitricis Marie sanctique Johannis Baptiste de Lanth et presenti carta confirmo in perpetuam elemosinam totam terram meam de Quedeleg cum omnibus pertinentiis suis liberam et quietam ab omni terreno servitio et exactione ita integre et libere sicut unquam illam melius tenuerunt ante[ce]ssores mei Walterus videlicet constabularius avus meus et Mylo comes pater meus Hoc feci etiam ut a periculo liberarem animas fratrum meorum qui affidaverunt quando successerunt in hereditatem patrum nostrorum se daturos centum solidatas terre ecclesie Lanth pro anima matris nostre Sibille et decem libratas quas dedit eidem ecclesie Walterus frater meus et carta sua confirmavit pro salute domini nostri regis Henrici et nostra sicut ejusdem Walteri carta testatur quam ipse fecit Jerosolimis in presentia fratrum de Templo et multorum ex hominibus suis qui ibi aderant T[estibus] Rogero Wygorn episcopo Henrico archidiacono [Exoniense magistro Ricardo de Inglesham et aliis]
Source (click image below to view full size)
