Charter Document - 01190086

Notum sit omnibus tam Clericis quam Laicis presentibus et futuris quod ego Maihelus de Herefordia pro salute anime mee et animarum patris mei et matris mee et fratrum et antecessorum meorum dono et concedo Ecclesie Sancti Johannis de Brechonia et monachis ibidem Deo servientibus et hac presenti Carta confirmo quicquid Bernardus de Novo Mercato avus meus et homines ipsius eidem Ecclesie contulerunt et que Milo pater meus dedit et quicquid fratres mei Rogerus Comes et Walterus constabularius et Henricus et homines eorum eidem Ecclesie concesserunt et cartis suis confirmaverunt in Ecclesijs in decimis in terris in hominibus in molendinis in aquis in bosco et plano in libertatibus et liberis consuetudinibus que omnia confirmavi cum sigilli mei munimine in carta Henrici fratris mei Preterea concedo eidem Ecclesie capellam de Castello Brechoni quam avus meus Bernardus primus eis concessit cum donis illis et dignitatibus que pater meus Milo Comes eidem capelle dedit in dedicatione ipsius videlicet tres solidos ad luminare in capella et corredium capellani cum clerico suo et scolam de Brechonia que proprie pertinet matri Ecclesie et insuper tres solidos de feria annuatim ad Festum Sancti Johannis Baptiste ad lumen Ecclesie emendum ita quod cum illis duobus solidis quos pater meus Milo Comes ad luminare ejusdem Ecclesie similiter dedit sint quinque et hoc pro Godefrido Coco quem Henricus Frater meus fecit monachum qui nostris antecessoribus honorifice servivit usque ad monachatum Hujus concessionis testes sunt Thomas prior de Lantoeni de Ewias et Radulfus celerarius Humfridus de Buhun nepos meus Walterus de Clifford Radulfus de Baschevilla Rogerus dapifer de Burchell Willelmus de Minieres Willelmus Torel Reinaldus Crocun Robertus de Baschevill Willelmus Loemer Radulfus de Vaim Rogerus Bret Willelmus Picart Willelmus Weldeboef Minue Camberlenc Henricus Loereng Hugo clericus Rogerus despens Nicholaus prevoest Osbertus filius clerici Benedictus prepositus Willelmus Colli Lambert et multi alii