Charter Document - 01189300
| Charter Number: | 01189300 |
|---|---|
| Cartulary Title: | Medieval Deeds of Bath and District |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1242 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Walterus Brian per assensum et concessum Gunnilde uxoris mee in libera potestate mea concessi et dedi et hac mea presenti carta confirmavi pro me et heredibus meis Johanni Coch totam croftam meam cum omnibus pertinenciis suis que est extra murum civitatis Bathonie in boreali parte versus Turriculariam et iacet inter terram Elemosinarie prioratus Bathonie et inter terram hospitalis Sancti Johannis Baptiste habend et tenend ipsam croftam cum omnibus pertinenciis suis in omnibus rebus et locis dicto Johanni et heredibus suis vel assignatis suis perpetuo iure hereditario libere quiete plenarie et pacifice Reddendo inde annuatim domine Matillidi de Eston et heredibus suis viginti denarios ad duos terminos anni videlicet ad festum Sancti Michaelis decem denarios et ad Hokkeday decem denarios pro omnibus serviciis consuetudinibus et demandis salvo langabulo domino regi silicet ad Hokkeday quatuor denarios et obolum Pro hac autem donacione et concessione mea dedit michi dictus Johannes Choch pre manibus viginti solidos sterlingorum et unam tunicam et Sibilla uxor sua Gunnilde uxori mee unam rochettam Ego itaque Walterus Brian et heredes mei totam prenominatam croftam cum omnibus pertinenciis suis in omnibus rebus et locis sepedicto Johanni Coch et heredibus suis vel assignatis suis contra omnes homines et feminas warentizabimus Ut hec igitur mea donacio et concessio perpetue firmitatis robur optineat presentem cartam sigilli mei impressione roboravi Hiis testibus Kaskillo de Weston tunc ballivo Bathonie Henrico de Romeham tunc serviente domini episcopi Bathoniensis de Clafferton Johanne de Porta Willelmo Fresel Arnaldo le Vinur Johanne Culcellario Jordano de Henlegh Galfrido Whyssy Johanne filio eius Waltero Falc Willelmo de Clafferton Waltero Finegale et omnibus gillanis Bathon[] quorum commune sigillum ad huius rei robur et testimonium presenti carte est appensum Acta anno regni regis Henrici filii regis Johannis vicesimo sexto ad festum Pentecostes
Source (click image below to view full size)
