Charter Document - 01189075
| Charter Number: | 01189075 |
|---|---|
| Cartulary Title: | Medieval Deeds of Bath and District |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Robertus de Monteforti in libera et legitima potestate mea dedi et concessi et hac mea presenti carta confirmavi pro me et heredibus meis Willelmo de Forde filio Rogeri de Welles pro homagio et servicio suo unum mansum quod Philippus de Forda tenuit cum omnibus pertinenciis suis scilicet totam culturam in Aldeleghe cuius capud extendit super Holestrete et iacet inter magnum iter regium et la Aldeleghedich et unam acram que vocatur parva acra cuius capud extendit super Aldeleghedyche et unam particulam terre in orientali parte del Aldeleghe cuius capud extendit super Wyvelestiche in orientali campo et unam acram que vocatur Priggeleghes acra cuius capud extendit super Smaleweye et unam acram in Wystanesforlang cuius capud extendit super magnum iter quo itur versus Fordam et unam acram que iacet inter duas acras quas Walterus Herebertus tenuit cuius capud extendit super terram quam Johannes Stoket tenuit et unam particulam terre que iacet indefenso Prioris Bathoniensis extra pratum meum et unam particulam terre apud Chetelingeweye cuius capud extendit super la langelonde in occidentali campo habend et tenend totum predictum mansum cum omnibus pertinenciis suis cum tota predicta terra predicto Willelmo de Forda et heredibus suis vel assignatis de me et heredibus meis vel assignatis libere et quiete plenarie et pacifice iure hereditario inperpetuum Reddendo inde annuatim ipse Willelmus et heredes sui vel assignati michi et heredibus meis vel assignatis tres solidos scilicet ad festum Sancti Michaelis duodecim denarios ad Natale domini duodecim denarios et ad Hockeday duodecim denarios pro omni servicio ad me vel ad heredes meos pertinente et salvo regali servicio ad tantam terre pertinente Ita tamen quod idem Willelmus et heredes sui vel assignati acquietabunt me et heredes meos vel assignatos de duabus sectis inperpetuum scilicet de secta hundredi de Berthona et de secta curie prioris Bathonie per presentacionem et perquisicionem meam vel heredum meorum Et ego predictus Robertus et heredes mei vel assignati totum predictum mansum cum tota predicta terra et omnibus aliis pertinenciis suis predicto Willelmo de Forda et heredibus suis vel assignatis suis contra omnes homines et feminas warrantizabimus et defendemus Et ut hec mea donacio et concessio rata stabilis et inconcussa permaneat presentem cartam sigilli mei impressione roboravi Hiis testibus Domino Waltero de Bathonia domino Henrico Crok militibus Waltero et Rogero de Schokerwyk Rogero de Welles magistro Symone filio suo Waltero Fullone Ricardo filio suo Johanne Stoket et aliis
Source (click image below to view full size)
