Charter Document - 01160219

Pateat universis per presentes quod ita convenit inter Amiciam de Cantebr abbatissam de Chatriz et eiusdem loci conventum ex una parte et Alexandrem carnificem de Lenna ex pane altera videlicet quod predicti abbatissa et conventus concesserunt relaxaverunt et omnino de se et successoribus suis quietum clamaverunt imperpetuum predicto Alexandro omnia arreragia debita ac vendicanda de omni tempore preterito usque ad festum sancti Michaelis anno regni regis Edwardi filii regis Henrici vicesimo octavo de una marca annualis redditus quam iidem abbatissa et conventus clamaverunt recepisse de una placea terre cum edificiis jacente in villa Lenn Episcopi scilicet prope ecclesiam sancte Margarete inter terram Johannis filii Gilberti ex parte orientali et terram Petri carnificis ex parte occidentali in latitudine et se extendit in longitudine a communi via versus austrum usque ad terram Thome Astyn versus aquilonem ita quod nec iidem abbatissa et conventus nec aliquis per eos seu pro eis de dictis arreragiis aliquid juris vel clamii exigere vel vendicare poterunt in posterum Et predictus Alexander concedit pro se et heredibus suis vel suis assignatis solvere pro predicta placea terre ac distringi in predicta placea terre cum edificiis tam infra domum quam extra pro una marca annualis redditus recipienda de predicta placea terre per predictos abbatissam et conventum ac successores eorum vel eorum certum attornatum ad quatuor anni terminos scilicet ad Natale Domini tres solidos et quatuor denarios et ad festum Pasche tres solidos et quatuor denarios et ad nativitatem sancti Johannis Baptiste tres solidos et quatuor denarios et ad festum sancti Michaelis tres solidos et quatuor denarios a tempore confectionis istius scripti usque ad finem mundi In cuius rei testimonium huic scripto indentato partes alternatim sigilla sua apposuerunt Hiis testibus []