Charter Document - 01160172
| Charter Number: | 01160172 |
|---|---|
| Cartulary Title: | The Cartulary of Chatteris Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1280 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ricardus filius Ricardi de Myldeborn in Berlee salutem in Domino Noverit universitas vestra me concessisse dedisse et omnino pro me et heredibus meis imperpetuum quietum clamasse Agneti de Ely abbatisse de Chatriz et conventui eiusdem loci Deo servientibus totum jus meum et clamium quod unquam habui vel habere potui jure hereditationis in terris tenementis pratis pasturis et rebus aliis que fuerunt Johannis de Beauchaump in Berlee videlicet in illis terris et tenementis que recuperavi simul cum percenariis meis coram justiciariis itinerantibus aput Hertford et michi adjudicatis pro portione mea per warentum vocatum ita quod nec ego dictus Ricardus nec heredes mei nec aliquis per me aliquod jus vel clamium in dictis terris et tenementis per warentum vocatum super dictas abbatissam et conventum de cetero poterimus vendicare set omnino simus exclusi ab omni actione petendi extentam et valorem terrarum et tenementorum dicti Johannis de Beauchaump sicut adjudicatum fuit coram Johanne de Beigate et sociis suis justiciariis itinerantibus Pro hac autem donatione concessione et quieta clamatione dederunt michi dicte abbatissa et conventus decem marcas argenti pre manibus In cuius rei testimonium huic presenti scripto sigillum meum apposui Hiis testibus []
Source (click image below to view full size)
