Charter Document - 01160171
| Charter Number: | 01160171 |
|---|---|
| Cartulary Title: | The Cartulary of Chatteris Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ricardus de Myldebourn[] in Berle salutem in Domino Noverit universitas vestra me concessisse et omnino me et heredes meos obligasse abbatisse de Chatriz et conventui eiusdem loci pro decem marcis argenti quas ab eisdem recepi nomine Ricardi filii et heredis mei pro quieta clamatione facta per dictum Ricartum filium meum pro terris et tenementis que fuerunt Johannis de Beauchaunp[] dicto Ricardo filio meo per warentum vocatum de terris dicte abbatisse extentam et valorem pro portione sua sibi adjudicatam ita scilicet quod si dicte abbatissa et conventus per aliquem in placitum trahuntur ratione terrarum predictarum personam suam tangentium ego dictus Ricardus et heredes mei vel mei assignati warantizabimus defendemus et omnino acquietabimus dictas abbatissam et conventum contra omnes gentes imperpetuum secundum quod decet pro portione dicti Ricardi filii mei Item concedo pro me et heredibus meis si dicte abbatissa et conventus dampnum incurrant pro defectu warantizationis quod versus me et heredes meos dictas decem marcas simul cum dampnis suis possint sine aliqua calumpnia recuperare et ea occasione me et heredes meos ab omni actione petendi extentam et valorem dicto Ricardo filio meo adjudicatam sicut predictum est pro terris Johannis de Beauchaunp omnino expellere In cuius rei testimonium has litteras meas eisdem fieri fecimus patentes Dat[] apud Berle die mercurii proximo post festum sancti Hillarii anno regni regis Edwardi filii regis Henrici octavo
Source (click image below to view full size)
