Charter Document - 01160095
| Charter Number: | 01160095 |
|---|---|
| Cartulary Title: | The Cartulary of Chatteris Abbey |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1229 - 1254 |
| Date type: | Assigned |
| Resource Link(s): |
|
Charter:
Hugo Dei gracia Elyensis episcopus senes callis et quibuscumque aliis balivis suis sedentibus in scaccario suo Eliensi salutem in Domino Sciatis quod concessimus monialibus de Chatriz triginta et sex solidos sterlingorum annuatim percipiendos ad quatuor terminos usuales scaccarii nostri Elyensis inperpetuum videlicet ad quemlibet terminum novem solidos equaliter De quibus triginta et sex solidis receperunt viginti solidos a tempore bone memorie Galfridi Rydel quondam episcopi Eliensis et nos sex decem solidos eis concessimus pro molendino suo de Tryppelowe aquatico quod nobis dederunt et quietum clamaverunt Unde vobis mandamus quod cum dicte moniales vel earum nuncius ad vos venerint pro dictis denariis infra quartum diem cuiuslibet quatuor terminorum novem solidos eis liberari faciatis sine dilatione In cuius rei testimonium has litteras nostras fieri fecimus patentes Vale