Charter Document - 01160079
| Charter Number: | 01160079 |
|---|---|
| Cartulary Title: | The Cartulary of Chatteris Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1190 - 1197 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus Dei gracia Eliensis episcopus apostolice sedis legatus et domini regis cancellarius salutem Ad universitatis vestre noticiam volumus pervenire controversiam que in presentia nostra vertebatur inter moniales de Chatriz et Alanum clericum super medietate ecclesie beati Petri de Chatriz sub hac pacis forma sopitam fuisse videlicet quod predictus Alanus omnes obventiones altaris eiusdem ecclesie et tertiam partem decimarum frugum ad ipsam pertinentium in perpetua vicaria tenebit et prefate moniales omnes alias decimas et totam terram ad eandem ecclesiam pertinentem imperpetuum possidebunt Post obitum vero predicti Alani ille qui ad presentationem predictarum monialium predicte ecclesie perpetuam vicariam tenebit non nisi tantum obventiones altaris habebit Sed moniales ille [omni]a alia ad eandem ecclesiam pertinentia tam in terra quam in aliis possidebunt Ut igitur ista compositio rata in posterum habeatur e[am] presentis scripti et sigilli nostri attestatione confirmamus Hiis testibus []
Source (click image below to view full size)
