Charter Document - 01160009
| Charter Number: | 01160009 |
|---|---|
| Cartulary Title: | The Cartulary of Chatteris Abbey |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 |
| Date type: | Internal, Calendar, Regnal |
| Resource Link(s): |
|
Charter:
Ricardus Dei gracia rex Anglie dux Normannie et Aquietannie comes Andegavie archiepiscopis episcopis abbatibus comitibus baronibus justiciariis vicecomitibus ministris et omnibus balivis et fidelibus salutem Sciatis nos concessisse et presenti carta nostra confirmasse Elyensi ecclesie et Willelmo eiusdem ecclesie electo pro salute anime nostre et Henrici regis patris nostri et a[ntec]essorum nostrorum donationem quam Henricus rex proavus noster dedit et concessit Herveo primo Elyensi episcopo in elemosinam scilicet abbathiam de Chateriz cum terris et possessionibus et omnibus rebus eidem abbatia pertinentibus Et volumus et firmiter precipimus quod iam dictus electus habeat et teneat bene et in pace libere et quiete integre plenaria et honorifice prenominatam abbatiam cum sok et sak et toll et them infangenethef et omnibus libertatibus et consuetudinibus quas habet in aliis terris suis de episcopatu Elyensi et sit ipsa abbatia de Chateriz quieta de vj solidis viij denariis de warpeny quos ecclesia unoquoque anno dare solebat Testibus H[ugone] Dunelmensi episcopo Ricardo London electo Willelmo de Sancto Johanne Hugone Bardolf Gaufrido filio Petri Roberto de Whitefeld Data per manus eiusdem Willelmi de Longo Campo cancellarii nostri Elyensis electi apud Westm x die octobris anno primo regni nostri