Charter Document - 01151007
| Charter Number: | 01151007 |
|---|---|
| Cartulary Title: | The Charters of Duchess Constance of Brittany and Her Family, 1171-1221 |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1184 |
| Date type: | Internal, A.D. |
| Resource Link(s): |
|
Charter:
Ego Gaufridus Henrici regis filius dux Britannie et comes Richemundie Notum facio universis tam presentibus quam futuris quod pietatis intuitu et consilio canonicorum Rothomagensis ecclesie in eadem ecclesia perpetuam stabilivi capellaniam pro remedio anime venerabilis fratris mei Henrici regis iunioris et ad sustentationem vite capellani in predicta capellani constituti XX libratas annui redditus dedi et concessi singulis annis capiendas in molendinis meis de Guingamp duorum tamen terminorum dispositione In festo Sancti Johannis Bapthiste X libratas in festo Purificationis X libratas donec ad voluntatem predictorum canonicorum prefatum redditum in alio loco in melius assignem Hanc donationem approbante et concedente Constantia uxore mea Quod ut ratum maneret semper et firmum litteris commendavi et sigilli mei impressione confirmavi Testibus Richardo Gemello Bono Abbate de Rogi Ivone de Gailla Herveo Agomar Matheo de Bain Matheo de Golena Actum Roton Anno MCLXXXIIII Datum per manum G clerici
Source (click image below to view full size)
