Charter Document - 01140001

In nomine sancti et individue trinitatis patris et filij et spiritus sancti Ego Henricus Rex Anglorum Willelmo Cantuarie Archiepiscopo et Gilberto Londoniensis Episcopo et omnibus Episcopis et Abbatibus et Comitibus Baronibus Justiciariis vicecomitibis ministris et omnibus hominibus et fidelibus suis et civibus Londonie salutem Sciatis me concessisse et hac carta mea confirmasse Ecclesie beati Bartholomei de London et Raherio priori et Canonicis Regularibus in eadem Ecclesia Deo servientibus et pauperibus Hospitalis eiusdem Ecclesie quod sint liberi ab omni terrena seruitate et terrena potestate et subjectione preter Episcopales consuetudines uidelicet tantum consecrationem Ecclesie baptismum et ordinacionem clericorum vel sicut aliqua Ecclesia in tota Anglia magis est libera sit et hec Ecclesia libera et omnes terre ad eam pertinentes quas nunc habet vel quas racionbiliter adquireri poterit Raherus Prior uel Canonici sive emptione sine dono Et habeat soccam et saccam et thol et thieiam et infoghenteof et omnes libertates et liberas consuetudines et quietudinis in omnibus que ad eandem Ecclesiam pertinent In bosco et plano in pratis et pasturis in aquis et molendinis in uijs et semitis in stagnis et uiuarijs et mariscis et piscarijs et grangis et virgultis infra burgum et extra et in omnibus Locis nunc et in perpetuum Hanc autem Ecclesiam cum omnibus que ad eam pertinent sciatis me velle manu tenere et defendere et liberam esse sicut coronam meam et accepisse in manu mea et in defensione contra omnes homines Quamobrem concedo Raherio Priori et eidem Ecclesie in omni iure suo et possessione sua pacis fracturam et pugnam in domo fractam et domus vel curie invasionem et omnes assultus et omnia fore facta in suo iure facta et forestal et flemenefermdeth in uia et extra in festo et extra in vrbe et extra Causarum etiam dissensiones habeat et iura causarum de omni placito quod in terra sua euenerit Et omnes consuetudines sine in Ecclesiasticis sive in secularibus tam plene et libere sicut ego haberem si essent de meo dominio et mensa Relaxo etiam et quietos clamo Raherum Priorem et prefatam Ecclesiam et omnes pertinentes ad eam de syra et hundredo de placitis et querelis et murdredis et scutagio et geldis et danegeldis et hydagijs et sartis et assistis et operacionibus et fractionibus castellorum uel restructione castrorum sen pontium de parcis claudendis de lignis vel alijs rebus transvehendis de fendvvita et hegwita de wardpani auerpani de blodwite et fictwite et childwite et de hundredespani et hechincpani et de muthbryche et meschennige et schewigt et de fridsochne et westgeiltheof et de wardwithe et vtlepe et foruenge fir withfange Et sint quieti in omni terra mea de omni teloneo passagio et pontagio et lestagio et stallagio et omni seculari seruitio in terra et in aqua et in portubus maris ita ut nullis grauentur oneribus expeditionum vel occasionibus vel auxilijs vicecomitum vel prepositorum hundredi vel pontificalium ministrorum Prohibeo etiam regia auctoritate ne aliquis hominum sive minister meus sive alius in tota terra mea sit molestus Rahero Priori aut prefate Ecclesie de aliquibusque illius sunt neque se intromittant absque consensu Prioris vel fratrum Clericorum autem vel laicorum nemo illius loci dominum vsurpare presumat Confirmo etiam omnia privilegia et donaciones et cartas vel quas habet vel quas habitura est a regibus a pontificibus vel a quibuscumque fidelibus et quecumque scriptis vel testimonijs bonorum rememorari et probari poterunt eidem ecclesie juste concessa vel adquisita nullus ex his subtrahere aut disperdere qualibet occasione calumpnia iuditio aut potestate presumat Post obitum vero Raherii prioris ex eadem congregacione eligatur prior qui dignus sit Aliorsum autem nullus eligatur exactione siue pontificum siue Principum nisi manifestis criminibus inibi aliquis qui tali officio dignus sit fungi nequiuerit inveniri Quod si evenerit quod absit potestatem habeant de alio noto et familiari loco priorem eligendi Possessiones vero que ibi a quibus cumque donate fuerint vel empte sine consensu capitali ab ecclesia separate vel ad parvum servitium redacte numero regali priuilegio et auctoritate revocentur et regnum munimine locus ille perpetuo tueatur Ipseque prior soli regi serviens commissum sibi gregem spirituali et temporali pastu abundanter foveat Do etiam meam firmam pacem advenientibus ad feriam que solet ad festum beati Bartholomei in illo loco frequentari et inde redeuntibus et precipio ne aliquis regalium ministrorum eos in placitum mittat vel sine consensu Canonicorum in illo triduo scilicet in vigilia ipsius festi et ipso die et sequenti ab advenientibus consuetudines exigat Hanc autem ecclesiam sciat omnis populus totius regni mei ita me manu tenere et defendere quemadmodum coronam meam Quod si quis huic numero regali priuilegio in aliquo contraire presumpserit vel priorem canonicos clericos laicosque ipsius loci offenderit ipse et omnes sui et omnia que habet in jus regale deveniant Hec autem omnia prefate Ecclesie in perpetuum concessi pro amore Dei et salute mea et heredum meorum et pro animabus anticessorum meorum Adjuro ergo omnes heredes et successores meos in nomine sancte Trinitatis ut hunc sacrum locum regia auctoritate manu teneant et defendant et libertates a me sibi concessus concedant et confirment Hujus autem mee concessionis testes sunt Henricus Episcopus Wintonie Rogerus Episcopus Salisburie Bernardus Episcopus de Sancto David Galfridus Cancellarius Stephanus Comes Moritainie Willelmus de Albini Brito Albericus de Ver Ricardus Basset Milo de Gloecestorie Paganus filius Johannis Robertus de Curci Hugo Bigot et alij plures Barones regni mei Hanc autem cartam feci et confirmari precipi apud Westmonasterium Anno dominice incarnacionis MCXXXIIJ Regni autem mei anno tricesimo tercio