Charter Document - 01131329
| Charter Number: | 01131329 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Religious |
| Charter Type(s): | Inquisition |
| Date: | 1335 |
| Date type: | Internal, Feast, Regnal |
| Resource Link(s): |
|
Charter:
Inquisitio capta apud Staynton coram Willelmo de Clapham Escaetore domini Regis in Com Ebor Northumbrie Cumbrie et Westmerlandie die Jovis proxima post festum Decollationis Sancti Johannis Baptiste anno regni Regis Edwardi tertii a conquestu nono per sacramentum Roberti de Staynesby Roberti de Thormotby Ricardi de Thorneton Roberti del Howe Willelmi de Boynton Johannis filii Cecilie Johannis de Pikton Roberti de Aresum Johannis de Fymtres Thome de Bolby Eustachii de Eaclesclife et Ade de Bayhus Juratorum Qui dicunt per sacramentum suum quod non est ad dampnum nec prejudicium domini Regis nec alterius cujuscunque si idem dominus Rex concedat Johanni de Hoton quod ipse manerium de Hoton juxta Giseburne cum pertinentiis dare possit et assignare [] Priori et Conventui de Gyseburne Habendum et tenendum sibi et successorum suis inperpetuum in partem satisfactionis terrarum tenementorum et redituum ad valorem decem librarum per annum qua dominus Rex per litteras suas patentes eisdem Priori et Conventui tam de feodo suo proprio quam alieno exceptis terris tenementis et reditibus que de ipso Rege tenentur in capite concessit adquirenda nisi quantum ad dominum Regem et heredes suos in tantum quod dictum manerium cum pertinentiis tenetur de Bertino Fanacourt et Lucia uxore ejus ut de jure ipsius Lucie per homagium et servitium vii solidis per annum et dicti Bertinus et Lucia illud tenent de domino Rege in capite per servitium militare Ita quod si dicta Lucia obierit herede suo infra etatem existente dominus Rex haberet custodiam manerii predicti cum pertinentiis usque ad legitimam etatem heredis ipsius Lucia si per casum dictus Johannes de Hoton obierit herede suo infra etatem existente simul cum maritagio heredis ipsius Johannis Et est ad dampnum dictorum Bertini et Lucie et heredum ipsius Lucie in tantum quod si dictus Johannes de Hoton obierit herede suo infra etatem existente dicti Bertinus et Lucia et heredes ipsius Lucia haberent custodiam predicti manerii usque ad legitimam etatem heredis ipsius Johannis simul cum maritagio ipsius heredis ac omnimodas alias escaetas que inde evenire poterunt pro eo quod dictum manerium tenetur de eis per dictum servitium ut predictum est Et est ad dampnum et prejudicium totius Wapp[entagii] de Langeberghe in tantum quod tota patria de Langeberghe et tenentes inde debent super onerari in assisis juratis et aliis tallagiis redemptionibus et omnibus aliis oneribus in defectum ipsius Johannis de Hoton et heredum suorum pro eo quod non remanent eidem Johanni de Hoton terre neque tenementa ultra donationem et assignationem predictam Item dicunt quod manerium predictum cum pertinentiis tenetur de Bertino Fanacourt et Lucia uxore ejus per servitium predictum et ipsi Bertinus et Lucia illud tenent de domino Rege in capite per servitium predictum ut predictum est Et dicunt quod manerium predictum cum pertinentiis valet per annum in omnibus exitibus juxta verum valorem ejusdem viginti et duas marcas Item dicunt quod non sunt alii medii inter dominum Regem et prefatum Johannem de Hoton de manerio predicto nisi predicti Bertinus et Lucia ut predictum est Et dicunt quod non remanent prefato Johanni terre neque tenementa ultra donationem et assignationem predictas In cujus rei []