Charter Document - 01130481

Willelmus de Percy universis hanc cartam visuris et audituris salutem Sciatis me dedisse et concessisse et hac mea carta confirmasse Deo et ecclesie Sancte Marie de Gyseburna et canonicis ibidem Deo servientibus quicquid juris habui in ecclesia de Crathorne cum pertinentiis suis et quicquid juris habui in ecclesia de Ormesby cum pertinentiis suis et molendinum de Kaldecotes cum pertinentiis suis videlicet cum terra ei adjacente et secta et multa hominum meorum de Ormesby et de Kaldecotes sicut in cartis Ernulfi avi mei de Percy et Ernulfi avunculi mei continetur Preterea dedi eis molendinum meum cum loco suo quod est inter Kaldecotes et grangiam Ryevallis que est in campis de Normanby ut in eis sit libera potestas molendinum ibi habendi aut non habendi Et iidem canonici michi concesserunt et heredibus meis et carta sua confirmaverunt quod bladum meum de domo mea de Ormesby sine multa moletur et proximo post bladum quod in tramalio invenietur Ad hec etiam dedi eis et concessi et de me et de heredibus meis quietam clamavi totam moram illam super quam inter me et eosdem canonicos querela versabatur et calumpnia ut teneant et habeant integre et plenaria per omnes illas divisas que in carta Roberti de Brus senioris quam habent de ecclesie sue fundatione assignantur et ipsi michi et heredibus meis in mora prenominata scilicet usque ad rivulum de Sleddale communionem pasture meis propriis averiis concesserunt et carta sua confirmaverunt Istas prenominatas ecclesias molendina et terras cum omnibus pertinentiis et libertatibus suis dedi et concessi prenominatis canonicis pro me et uxore mea et heredibus meis et pro animabus antecessorum meorum in liberam et quietam et puram et perpetuam elemosinam Hiis testibus capitulo Sancti Petri Eboracensis Rogero de Rosel et Ada fratre ejus Roberto de Malteby Radulfo de Barneby Ricardo filio Symonis Thoma Ingeram Roberto de Gartona Johanne de Thocotes Willelmo filio Hervi Osmundo de Gyseburna Petro de Uplyum Hugone de Hasel et multis aliis