Charter Document - 01130332
| Charter Number: | 01130332 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1170 - 1185 |
| Date type: | Assigned |
| Resource Link(s): |
|
Charter:
Noverint omnes audituri vel visuri litteras istas quod ego Robertus filius Roberti filii Alveredi devoto animo in plena et integra sanitate cordis et corporis mei concessi donationem et elemosinam quam fecit avia mea Emma de Hotona ecclesie Sancte Marie de Gyseburna et fratribus ibidem Deo servientibus scilicet duas bovatas terre cum duabus toftis eis adjacentibus in Hotun quas bovatas Albertus et Ricardus de Hotona tenere solebant Hanc elemosinam avie mee Emme ego Robertus sicut heres ejus legitimus et proximus postquam hereditatem meam habui in manu mea et pacifice tenui concessi et dedi prefate ecclesie in puram et perpetuam liberam et quietam elemosinam pro anima mea patris et matris mee et avie mee et omnium predecessorum meorum et ipsi fratres predicti susceperunt me in communem omnium beneficiorum suorum societatem Hiis testibus Stephano de Rosell Gylberto filio Gylberti Stephano clerico de Atona Roberto de Mortona et Waltero filio ejus Johanne de Thocotes Alberto de Hotona