Charter Document - 01130160
| Charter Number: | 01130160 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 - 1185 |
| Date type: | Assigned |
| Resource Link(s): |
|
Charter:
Notum sit fidelibus sancte ecclesie quod ego Alanus de Ferlingtona et mater mea Anfrida et uxor mea donavimus ecclesie Sancte Marie de Gyseburna quandam domum ante portam ecclesie factam ad suscipiendos prebendarios ecclesie et ad dividendam elemosinam canonicorum et donavimus quandam carucatam terre in Ferlintona in elemosinam liberam ab omnibus consuetudinibus et servitiis ea conditione ut ego et heredes mei illam de ecclesia teneamus viij solidos reddendo per annum horum autem viij solidorum quatuor tantum habebit ecclesia quamdiu mater mea vel mecum erit vel seipsam alibi procurabit sed si ad procurationem ecclesie venire voluerit et tantum fecerit ut non sit oneri neque gravitati tunc totum censum scilicet viij solidos habebit ecclesia Similiter autem si ad conventum sanct[ar]um monialium mater mea ire voluerit unam marcam argenti ei [dabit] ecclesia et totum deinde censum habebit et post mortem matris mee finaliter et hereditabitur hunc scilicet censum octo solidos habebit ecclesia Et si forte contingat ut propter paupertatem ego et heredes mei hunc censum reddere non possimus habeat ecclesia terram in manu sua donec eam tenere et redditum parare valeamus Iterum si hujus donationis concessionem ab advocato nostro non potero perquirere vel terram ab omnibus calumpniis liberare alibi redditum viij solidorum de meo libero feudo dabo ecclesie et constituam Item in domo illa quam donavimus ecclesie si aliquis parentum meorum pauperibus ministrare et se ipsum procurare voluerit si ydoneus fuerit a capitulo suscipiatur Si autem aliquis meorum vel noluerit vel aptus non fuerit alius aliquis secundum commune consilium capituli et mei resuscipiatur Hujus donationis testis est in primis Deus omnem in omnibus vindicans injuriam deinde testes isti Robertus de Brus et uxor ejus Adam de Brus Robertus de Brus juvenis Petrus Werengha Willelmus de Ruddestayn Ricardus de Couvile Pinel Raynerus filius Alfredi Willelmus Purcel Nigellus dispensator Serlo pincerna Willelmus filius Adam de Brus Ricardus [de] Colleby Roaldus Rogerus Cath Robertus filius Roberti de Burtona Ricardus Pichnot Bernardus canonicus de Bredlingtona