Charter Document - 01130090
| Charter Number: | 01130090 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 - 1180 |
| Date type: | Assigned |
| Resource Link(s): |
|
Charter:
Notum sit universis tam presentibus quam futuris quod ego Hawis Cogan consilio et consensu et concessu Hervi de Bretavilla domini mei et advocati et avunculi pro anima mea et antecessorum meorum concessi dedi et hac carta mea confirmavi ecclesie Sancte Marie de Gyseburna et canonicis ibidem Deo servientibus illam bovatim terre in campo Gyseburne que fuit maritagium matris mee cujus ego heres legitima supersum cum pertinentiis suis scilicet prato et bosco in Cliva predicti Hervi id est quantum crofta matris mee se extendit de sub Hecliva inferius in altum tantum in ipsa Cliva per latitudinem habeant in bosco et mora usque ad eosdem terminos et metas in longum ad quos ipse Herveius reliquum Clive habet et etiam prefatam croftam de sub Hecliva nisi managium matris mee aliquando fuit et toftam illam quam mater mea habuit et ego post eam hereditario jure in via de Belmund in perpetuam et puram elemosinam liberam et quietam ab omni servitio seculari preter Danageld antedicto Herveio et heredibus suis solvendum Hiis testibus Roberto coco Hervio de Bretavilla Thoma de Lend Johanne Rufo Roberto Belting Hugone de Hasele Eustachio dapifero Willelmo de Lyum Adam de Kardule Willelmo de Thocotes Hugone Buche Willelmo Cheverel et multis aliis