Charter Document - 01130021
| Charter Number: | 01130021 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1142 - 1180 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Eustachius filius Eustachii de Gyseburne sal Noveritis me dedisse et concessisse et hac carta mea confirmasse Willelmo Paternoster et heredes suis vel assignato ejus pro pecunia sua quam michi dedit totam terram illam supra quam edificavit domum illam quam fecit in occidentali parte tofti sui et spatium terre pedis et dimidii extra domum illam ad frontem meridianam et terram illam que jacet ab angulo occidentali illius frontis usque ad angulum meridianum occidentalis frontis nove domus quam feci juxta viam ab orientali parte domus mee in qua sedeo et totam terram que inde jacet ex parte vie usque ad toftum quem Samuel Sutor quondam tenuit Tenendum et habendum in perpetuum libere et quiete illi et heredes suis vel suis assignatis Reddendo inde annuatim michi et heredes meis unum denarii infra Natale pro omni servitio consuetudine et demanda Et ego et heredes mei hanc predicto Willelmo et heredes suis contra omnes homines in perpetuum warantizabimus vel ejus assignatis et si warantizare nequiverimus dabimus eisdem in eadem villa de Gyseburne in escambium ad walenciam Hiis testibus Willelmo de Lyum Alexandro Pugeys Petro filio Nicholai Petro Nurri Willelmo de Bolleby Vincentio Jordano de Beverlaco Johanne de Bernalby Roberto de Mida et aliis